‘ఐఫా’లో తమిళ బాహుబలికి అవార్డుల పంట

Posted: 01/25/2016 05:19 PM IST

Bahubali got 6 awards in iifa utsavam 2015

రాజమౌళి దర్శకత్వంలో తెరకెక్కిన ‘బాహుబలి’ చిత్రం 2015లో ప్రపంచ వ్యాప్తంగా విడుదలై, కొత్త రికార్డులను క్రియేట్ చేస్తూ, భారీ కలెక్షన్లను రాబట్టింది. తాజాగా ఈ సినిమాకు అవార్డుల పంట పండింది. ‘బాహుబలి’ సినిమా తెలుగు వర్షెన్ కు కాకుండా తమిళ వర్షెన్ కు 6 అవార్డులు దక్కాయి. సౌత్ ఇండియాలో మొట్టమొదటిసారిగా ఐఫా వేడుకలు జరుగుతున్న విషయం తెలిసిందే.

ఇందులో భాగంగా జనవరి 24న జరిగిన తమిళ, మలయాళం సినీ ఇండస్ట్రీలకు సంబంధించిన అవార్డుల కార్యక్రమంలో ‘బాహుబలి’ చిత్రానికి 6 అవార్డులు దక్కాయి. తమిళంలో ఎన్ని చిత్రాలు పోటి పడ్డప్పటికీ.. ‘బాహుబలి’కే అవార్డుల పంట పండింది.

ఉత్తమ చిత్రం - ‘బాహుబలి’ (తమిళం)
ఉత్తమ దర్శకుడు - ఎస్.ఎస్.రాజమౌళి (తమిళం)
ఉత్తమ సహాయ నటుడు (మేల్) - సత్యరాజ్ (తమిళం)
ఉత్తమ సహాయ నటి (ఫీమేల్) - రమ్యకృష్ణ (తమిళం)
ఉత్తమ ఫీమేల్ సింగర్ - గీతామాధురి (తమిళం)
ఉత్తమ మేల్ సింగర్ - హరిచరణ్ శేషాద్రి (తమిళం)

ఇక ఈరోజు (జనవరి 25) తెలుగు, కన్నడ సినీ ఇండస్ట్రీకి చెందిన తారలకు అవార్డులు అందించనున్నారు. ఈ వేడుకకి అల్లు శిరీష్-రెజీనాలు హోస్ట్ లుగా వ్యవహరించనున్నారు. అలాగే రాంచరణ్, అఖిల్ లు తమ డాన్సులతో ఆకట్టుకోనున్నారు.