24 లో సూర్య గెటప్ అదిరింది... నెట్ లో పోస్టర్ హల్ చల్

Posted: 01/24/2016 03:24 PM IST

తమిళ స్టారే అయినా కూడా తెలుగు నాట ఆ హీరోకున్న క్రేజ్ అంతాఇంతా కాదు. ఆయన సినిమాలు తెలుగులో భారీ విజయాలను నమోదు చేసుకున్నాయి. డిఫరెంట్ స్టోరీలను ఎంచుకోవడంలో సూర్య తర్వాతే ఎవరైనా. గజిని, సెవెన్త్ సెన్స్ లాంటి డిఫరెంట్ సినిమాలతో తెలుగు ప్రేక్షకులకు మరింత దగ్గరయ్యారు. అయితే తాజాగా తాజాగా 'మనం' ఫేమ్ విక్రమ్ కె కుమార్ దర్శకత్వంలో తెరకెక్కుతున్న 24 సినిమాలో నటిస్తున్నాడు సూర్య. ఫస్ట్ లుక్తో ఇప్పటికే అభిమానుల్లో అంచనాలు పెంచిన ఈ సినిమా తాజాగా మరోసారి ఆసక్తి రేకెత్తిస్తోంది. సూర్య తన ట్విట్టర్ అకౌంట్ ద్వారా మరో పోస్టర్ ను రిలీజ్ చేశాడు. ఇప్పటివరకు కనిపించని ఓ స్టన్నింగ్ లుక్లో ఉన్నారు సూర్య.

గతంలో గజిని సినిమాలో బోడిగుండుతో అదరగొట్టిన ఈ హీరో మరోసారి తన విశ్వరూపాన్ని ఈ సినిమా ద్వారా ప్రదర్శించబోతున్నారని సమాచారం. ఈ సినిమా మీదద ఇప్పటికే హైప్ క్రియేటైంది. సూర్య తాజా చిత్రం 24 టైం ట్రావెల్కు సంబంధించిన ఓ థ్రిల్లర్ స్టోరీ అనే ప్రచారం ఊపందుకుంది. ఈ సినిమాలో సూర్య డబుల్ యాక్షన్ చేస్తున్నాడు. ఆస్కార్ అవార్డు గ్రహీత ఎ.ఆర్.రెహ్మాన్ సంగీతం అందిస్తున్న ఈ సినిమా వేసవిలో విడుదల కానుంది. సూర్య సరసన సమంత, నిత్యా మీనన్లు హీరోయిన్లుగా నటిస్తున్నారు.