అంచనాలు పెంచేస్తున్న ‘ఇరు ముగన్’ ఫస్ట్ లుక్

Posted: 01/11/2016 03:18 PM IST

‘ఐ’, ‘10 ఎంద్రుకుల్ల’ చిత్రాల తర్వాత తమిళ నటుడు విక్రమ్ హీరోగా నటిస్తున్న తాజా చిత్రం ‘ఇరు ముగన్’. ఆనంద్ శంకర్ దర్శకత్వంలో రూపొందుతున్న ఈ చిత్ర ఫస్ట్ లుక్ పోస్టర్ ను తాజాగా విడుదల చేసారు. ఇందులో విక్రమ్ కొత్త లుక్ తో కనిపిస్తున్నాడు.

పోస్టర్ డిజైన్ ఆసక్తికరంగా వున్నప్పటికీ.. సినిమా మొత్తం అంతా కూడా విక్రమ్ ఇదే విధంగా కనిపించడు అనే విషయం అర్థమవుతోంది. ఒకవైపు మాములు వ్యక్తిగా మరోవైపు ఏదో కొత్త లుక్ తో కనిపిస్తున్నాడు. ప్రస్తుతం ఈ ఫస్ట్ లుక్ పోస్టర్ కు భారీ రెస్పాన్స్ వస్తోంది.

తొలిసారిగా విక్రమ్ సరసన నయనతార, నిత్యామీనన్ లు హీరోయిన్లుగా నటిస్తున్నారు. ఈ క్రేజీ ప్రాజెక్టుకు హారీస్ జయరాజ్ సంగీతం అందిస్తున్నాడు. త్వరలోనే ఈ చిత్రాన్ని తమిళం, తెలుగు భాషలలో విడుదల చేయనున్నారు.