మార్కెట్లో ‘కళ్యాణ వైభోగమే’ పాటల సందడి

Posted: 12/29/2015 03:35 PM IST

నాగశౌర్య, మాళవిక నాయర్ జంటగా నటిస్తున్న తాజా చిత్రం ‘కళ్యాణ వైభోగమే’. ప్రముఖ దర్శకురాలు నందిని రెడ్డి దర్శకత్వంలో శ్రీ రంజిత్ మూవీస్ పతాకం పై కె .ఎల్. దామోదర్ ప్రసాద్ నిర్మిస్తున్న ఈ చిత్రానికి కళ్యాణ్ కోడూరి సంగీతం అందిస్తున్నాడు. తాజాగా ఈ చిత్ర ఆడియోను నేరుగా మార్కెట్లోకి విడుదల చేసారు.

మధుర ఆడియో ద్వారా ఈ పాటలను విడుదల చేసారు. ఇందులో మొత్తం 6 పాటలున్నాయి. ఈ 6 పాటలకు లక్ష్మీ భూపాల్ సాహిత్యాన్ని అందించారు. సాఫ్ట్ మెలోడిస్ గా ఈ పాటలు చాలా బాగున్నాయి. కళ్యాణీ కోడూరి ఫ్లేవర్ ఎక్కడా మిస్ కాలేదని చెప్పుకోవచ్చు. ఈ ఆడియోను మీకోసం అందిస్తున్నాం.. మీరు విని ఆనందించండి.

ఇప్పటికే విడుదలైన ఈ చిత్ర టీజర్ కు మంచి రెస్పాన్స్ వస్తోంది. ప్రేమ, పెళ్లి వంటి అంశాలతో చక్కటి ఫ్యామిలీ ఎంటర్ టైనర్ గా రూపొందుతున్న ఈ చిత్రాన్ని వచ్చే ఏడాది జనవరిలో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.