జనవరి 23న ఆసిన్ పెళ్లి ఫిక్స్

Posted: 12/24/2015 10:19 AM IST

‘అమ్మనాన్న ఓ తమిళమ్మాయి’ సినిమాతో టాలీవుడ్ లోకి ఎంట్రీ ఇచ్చి, స్టార్, అగ్ర హీరోలతో జోడికట్టిన ఆసిన్.. ఆ తర్వాత బాలీవుడ్ కు చెక్కేసింది. బాలీవుడ్ కు మకాం మార్చేసిన ఈ అమ్మడు గతకొద్ది కాలంగా ప్రముఖ బిజినెస్ మ్యాన్ తో ప్రేమాయణం కొనసాగిస్తోందని వార్తలొచ్చాయి. మొదట్లో ఈ వార్తల్లో ఎలాంటి నిజం లేదని చెప్పుకొచ్చిన ఆసిన్.. ఆ తర్వాత తన ప్రేమ వ్యవహరం నిజమేనని ఒప్పుకుంది.

ప్రముఖ మైక్రోమాక్స్ సంస్థ యాజమాని అయినటువంటి రాహుల్ శర్మను ఆసిన్ ప్రేమవివాహం చేసుకోనుంది. వీరిద్దరూ గతరెండుళ్లుగా ప్రేమలో మునిగితేలుతున్నారు. ఈ 36 ఏళ్ల బిలియనీర్ తో ఆసిన్ బాగానే చెట్టాపట్టాలేసుకొని తిరిగేసింది. అయితే ప్రస్తుతం ఈ అమ్మడికి కూడా సినీ ఆఫర్లు తగ్గిపోవడంతో ఇక పెళ్లి చేసుకొని సెటిల్ అవ్వాలని నిశ్చయించుకుంది.

వీరిద్దిరి పెళ్లి డేట్ ఫిక్స్ చేసారు. వచ్చే ఏడాది జనవరి 23న వీరి పెళ్లి ఢిల్లీలో జరుగనుంది. ఈ పెళ్లికి ఇరు కుటుంబ సభ్యులు, బంధుమిత్రులతో పాటు బాలీవుడ్, కోలీవుడ్ సినీ ఇండస్ట్రీకి సంబంధించిన పలువురు సినీతారలు కూడా హాజరుకానున్నట్లుగా తెలిసింది.