సాయికుమార్ ఇంట్లో సంబరాలు

Posted: 12/18/2015 01:05 PM IST

‘ప్రేమకావాలి’ సినిమాతో హీరోగా ఎంట్రీ ఇచ్చి, తెలుగు ప్రేక్షకులకు దగ్గరయిన హీరో ఆది.. గత ఏడాది అరుణను ప్రేమించి, పెద్దల అంగీకారంతో ఆనందంగా పెళ్లి చేసుకున్న విషయం తెలిసిందే. అయితే అరుణ నిన్న ఓ పండంటి పాపకు జన్మనిచ్చింది. దీంతో ఆది-అరుణల ఇరు కుటుంబాల్లో సంతోషం చోటుచేసుకుంది.

ఈ విషయాన్ని ఆది స్వయంగా సోషల్ మీడియా ద్వారా తెలియజేస్తూ అందరి ఆశీస్సులు మాకు కావాలి అని కోరాడు. ఆది-అరుణలకు సినీ ఇండస్ట్రీ నుంచే కాకుండా అభిమానులు, బంధుమిత్రుల నుంచి శుభాకాంక్షలు వెల్లివెత్తుతున్నాయి.

ప్రస్తుతం ఆది నటిస్తున్న ‘గరం’ సినిమా విడుదలకు సిద్ధమవుతోంది. ఈ చిత్రాన్ని స్వయంగా సాయికుమార్ నిర్మిస్తున్నాడు. ఆది సరసన ఆదాశర్మ హీరోయిన్ గా నటిస్తుంది. త్వరలోనే ఈ చిత్రం ప్రేక్షకుల ముందుకు రానుంది.