సూర్య ‘24’ ఫస్ట్ లుక్ అదిరింది!

Posted: 11/24/2015 10:20 AM IST

తమిళ స్టార్ హీరో సూర్య హీరోగా నటిస్తున్న తాజా చిత్రం ‘24’. ‘ఇష్క్’, ‘మనం’ వంటి వరుస బ్లాక్ బస్టర్ హిట్ చిత్రాలను తెరకెక్కించిన దర్శకుడు విక్రమ్.కె.కుమార్ దర్శకత్వంలో రూపొందుతున్న ఈ చిత్రాన్ని సూర్య తన సొంత బ్యానర్ అయినటువంటి 2D ఎంటర్ టైన్మెంట్స్ బ్యానర్లో నిర్మిస్తున్నారు.

తాజాగా ఈ చిత్ర ఫస్ట్ లుక్ పోస్టర్లను విడుదల చేసారు. ఇందులో సూర్య చాలా కొత్త గెటప్ లో కనిపిస్తున్నాడు. ఒక పోస్టర్లో మాసివ్ విలన్ లుక్ లో, మరో పోస్టర్లో ఢిఫరెంట్ గెటప్ తో అదరగొడుతున్నాడు. ఈ ఫస్ట్ లుక్ తో ఈ సినిమాపై వున్న అంచనాలు భారీగా పెరిగిపోయాయి. ప్రముఖ సంగీత దర్శకుడు ఏఆర్ రెహమాన్ సంగీతం అందిస్తున్నాడు.

సూర్య సరసన సమంత హీరోయిన్ గా నటిస్తుంది. నిత్యామీనన్ కూడా ఓ కీలక పాత్రలో నటిస్తున్నట్లుగా తెలిసింది. ఈ చిత్రాన్ని తెలుగు, తమిళం భాషలలో ప్రపంచ వ్యాప్తంగా గ్రాండ్ గా విడుదల చేయనున్నారు. శ్రేష్ట్ మూవీస్, గ్లోబల్ మూవీస్ సంయుక్తంగా ‘24’ చిత్రాన్ని తెలుగులో విడుదల చేయనున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.