అతనితో సినిమాలు చేయనంటున్న బస్టాప్ భామ

Posted: 11/21/2015 10:23 AM IST

తెలుగులో వచ్చిన ‘బస్ స్టాప్’ సినిమాతో హీరోయిన్ ఎంట్రీ ఇచ్చిన ఆనంది... ఆ తర్వాత తెలుగులో పలు సినిమాల్లో నటించినప్పటికీ సరైన విజయం రాకపోవడంతో తెలుగులో అవకాశాలు కరువయ్యాయి. దీంతో టాలీవుడ్ నుంచి కోలీవుడ్ లోకి మకాం మార్చేసింది. కోలీవుడ్ లో ఈ అమ్మడు నటించిన సినిమాలు విజయం సాధిస్తుండటంతో వరుసగా ఆఫర్లు వచ్చిపడుతున్నాయి.

తాజాగా ఈ అమ్మడు ఓ దర్శకుడిపై గరంగరంగా వుంది. ఇంకోసారి అతని సినిమాలో నటించే ప్రసక్తే లేదని తేల్చేసింది. ఇంతకీ ఎవరా దర్శకుడని అనుకుంటున్నారా? ఆనంది నటించి తాజా చిత్రం ‘త్రిష ఇల్లానా నయనతార’(తెలుగులో త్రిష లేదా నయనతార). ఈ సినిమాకు ఆదిక్ రవిచంద్రన్. ఈ సినిమా ఇటీవలే విడుదలై అట్టర్ ఫ్లాప్ కావడంతో పాటు అడల్ట్ సినిమాల జాబితాల్లోకి చేరి, విమర్శలపాలయ్యింది.

ఈ విషయం ఆనందికి కాస్త ఆలస్యంగా తెలిసింది. కానీ ఈ సినిమా ఓ యూత్ ఫుల్ లవ్ స్టోరీ అని చెప్పి ఆనందిని ఒప్పించాడట దర్శకుడు అదిక్. కానీ సినిమా విడుదలైన తర్వాత తనకు అసలు సంగతి అర్థమైందని, తనకు చెప్పింది ఒకటి.. దర్శకుడు తీసింది మరొకటి.. కాబట్టి.. ఇక ముందు ఆ దర్శకుడి ఏ సినిమాల్లో కూడా తాను నటించేది లేదని ఖరాకండిగా తేల్చేసింది.