రికార్డులు క్రియేట్ చేస్తున్న అజిత్ ‘వేడలం’

Posted: 11/12/2015 09:43 AM IST

Ajith vedalam movie first day record collections

తమిళ స్టార్ హీరో థలా అజిత్ మరోసారి రికార్డుల మోత మోగిస్తున్నాడు. వరుసగా హిట్ చిత్రాలతో దూసుకుపోతున్న అజిత్ నటించిన తాజా చిత్రం ‘వేడలం’ దీపావళి పండగ సంధర్భంగా విడుదలయ్యింది. ఈ సినిమా మొదటి ఆట నుంచే పాజిటివ్ టాక్ ను సొంతం చేసుకొని, రికార్డుల మోత మోగిస్తోంది.

కలెక్షన్ల పరంగా ‘వేడలం’ చిత్రం కొత్త రికార్డులను క్రియేట్ చేసింది. గతంలో విజయ్ ‘కత్తి’ తొలిరోజు 12.5కోట్లు, రజనీకాంత్ ‘లింగ’ 12.8కోట్ల కలెక్షన్లు రాబట్టి టాప్ స్థానంలో నిలిచాయి. కానీ ఆ రెండు రికార్డులను బద్ధలు కొడుతూ ‘వేడలం’ అదరగొట్టేసింది. అజిత్ ‘వేడలం’ తొలిరోజే 15.5 కోట్ల వసూళ్లను రాబట్టి, కొత్త రికార్డులను క్రియేట్ చేసింది.

ప్రముఖ దర్శకుడు శివ దర్శకత్వంలో రూపొందిన ఈ చిత్రాన్ని శ్రీ సాయిరాం క్రియేషన్స్ బ్యానర్ పై ఎస్. ఐశ్వర్య భారీ బడ్జెట్ తో నిర్మించారు. అన్నచెల్లెల మధ్య జరిగే కథాంశంతో రూపొందిన ఈ చిత్రంలో అజిత్ కు జోడిగా శృతిహాసన్ నటించగా, అజిత్ చెల్లెలి పాత్రలో లక్ష్మీ మీనన్ నటించింది. ‘వేడలం’ సినిమా హిట్టుతో థలా అభిమానులు సంబరాలు చేసుకుంటున్నారు.