ఓంకార్ ‘రాజుగారి గది’ రన్ టైం విశేషాలు

Posted: 10/20/2015 10:21 AM IST

‘జీనియస్’ సినిమాతో దర్శకుడిగా మారాడు ఓంకార్. ఈ సినిమా అనుకున్న స్థాయిలో విజయం సాధించలేకపోయింది. ప్రస్తుతం ‘రాజుగారిగది’ సినిమాతో మనముందుకు వస్తున్నాడు. ఓంకార్ దర్శకత్వంలో అశ్విన్, ధన్య బాలకృష్ణన్, చేతన్ చీను, ఈశాన్య, పూర్ణ ప్రధాన పాత్రలలో నటించారు.

హర్రర్ కామెడీ క్రైం నేపథ్యంలో రూపొందిన ఈ చిత్రం ఇటీవలే సెన్సార్ కార్యక్రమాలను పూర్తి చేసుకుంది. ఈ చిత్ర రన్ టైం 135 నిమిషాలు. తక్కువ రన్ టైంలో, స్పీడ్ స్ర్కీన్ ప్లే ఈ సినిమాకు పెద్ద హెల్ప్ అవుతుందని ఓంకార్ అంటున్నారు. అంతే కాకుండా ఈ సినిమా సీక్వెల్ కోసం సెకండ్ పార్ట్ కథను కూడా సిద్ధం చేసాడట ఓంకార్.

ఇదిలా వుంటే ఈ చిత్రాన్ని వారాహిచలన చిత్రం, అనిల్ సుంకర సమర్పణలో ఓఏకే ఎంటర్ టైన్మెంట్స్ బ్యానర్ ప్రై.లి. పతాకంపై రూపొందించారు. ఈ చిత్రాన్ని ఈనెల 22న దసరా కానుకగా విడుదల చేస్తున్నారు. మరి ఈ సినిమా ఎలాంటి విజయం సాధించనుందో చూడాలి.