రాజ్ తరుణ్ ‘కుమారి 21 F’ ఆడియో విడుదల తేది

Posted: 10/15/2015 01:31 PM IST

‘ఉయ్యాల జంపాలా’, ‘సినిమా చూపిస్త మావ’ వంటి వరుస హిట్ చిత్రాల తర్వాత రాజ్ తరుణ్ నటిస్తున్న తాజా చిత్రం ‘కుమారి21F’. ప్రముఖ దర్శకుడు సుకుమార్ నిర్మిస్తున్న ఈ చిత్రానికి పల్నాటి సూర్యప్రతాప్ దర్శకత్వం వహిస్తున్నాడు. అలాగే సుకుమార్ కథ – స్క్రీన్‌ప్లే, రత్నవేలు సినిమాటోగ్రఫి, దేవిశ్రీప్రసాద్ సంగీతం సమకూరుస్తున్నారు.

రొమాంటిక్ లవ్ ఎంటర్ టైనర్ గా రూపొందుతున్న ఈ సినిమాలో రాజ్ తరుణ్ సరసన హేభ పటేల్ హీరోయిన్ గా నటిస్తుంది. షూటింగ్ మొత్తం పూర్తి చేసుకొని ప్రస్తుతం పోస్ట్ ప్రొడక్షన్ కార్యక్రమాల్లో బిజీగా వుంది. ఇటీవలే విడుదలై ఫస్ట్ లుక్ టీజర్ కు మంచి రెస్పాన్స్ వచ్చింది.

ఇప్పటికే ఈ ట్రైలర్ ను చూసిన పలువురు సినీ ప్రముఖులు ప్రశంసల వర్షం కురింపిచారు. ఈ చిత్ర ఆడియోను ఈనెల 24న విడుదల చేయడానికి సన్నాహాలు చేస్తున్నారు. నవంబర్ రెండో వారంలో సినిమాను ప్రేక్షకుల ముందుకు తీసుకురానున్నారు.

ఈ చిత్రానికి సంగీతం: దేవిశ్రీప్రసాద్, సినిమాటోగ్రఫీ: రత్నవేలు, ఆర్ట్: బి.రామచంద్రసింగ్, ఎడిటర్: అమర్ రెడ్డి, ఫైట్స్: డ్రాగన్ ప్రకాష్, కొరియోగ్రఫీ: ప్రేమ్ రక్షిత్, శంకర్, నిక్సన్, సమర్పణ: సుకుమార్, నిర్మాతలు: విజయ్ ప్రసాద్ బండ్రెడ్డి, థామస్ రెడ్డి ఆదూరి,కథస్కీన్‌ప్లే-మాటలు: సుకుమార్, దర్శకత్వం: పల్నాటి సూర్య ప్రతాప్.