చిరంజీవి ‘బ్రూస్ లీ’ ట్రైలర్ విడుదల తేది

Posted: 10/13/2015 05:33 PM IST

Chiranjeevi brucelee special trailer release date

రాంచరణ్, రకూల్ ప్రీత్ సింగ్ జంటగా నటించిన ‘బ్రూస్ లీ - ది ఫైటర్’ సినిమా ఈనెల 16వ తేదిన ప్రపంచ వ్యాప్తంగా విడుదల కానుంది. ఇందులో మెగాస్టార్ చిరంజీవి ఓ గెస్ట్ రోల్ లో ఎంట్రీ ఇవ్వనున్నాడు. ఇప్పటికే అన్ని కార్యక్రమాలను పూర్తి చేసుకొని, సెన్సార్ బోర్డు నుంచి U/A సర్టిఫికెట్ ను సొంతం చేసుకుంది.

ఇప్పటికే విడుదలైన పాటలు, ట్రైలర్లకు భారీ రెస్పాన్స్ వస్తోంది. విడుదల తేది దగ్గరపడుతుండటంతో ప్రమోషన్ కార్యక్రమాలు మరింత వేగవంతం చేసారు చిత్ర యూనిట్. అయితే విడుదలకు రెండు రోజులు ముందుగానే మెగాస్టార్ చిరంజీవికి సంబంధించిన ఓ స్పెషల్ ట్రైలర్ ను విడుదల చేయబోతున్నట్లుగా తెలిసింది.

‘బ్రూస్ లీ’ ట్రైలర్లోనే చివరగా నాలుగు సెకండ్ల నిడివిలో మెగాస్టార్ కనిపించే విధంగా ఓ ట్రైలర్ ను కట్ చేస్తున్నట్లుగా తెలిసింది. సినిమాలో చిరంజీవి కేవలం 5 నిమిషాలు మాత్రమే కనిపిస్తున్నారు. ఇక సినిమా విడుదలకు ముందు నుంచే మెగా అభిమానుల సందడి మొదలుకానుంది.

కృతి కర్బందా, నదియా, అరుణ్ విజయ్ కుమార్ ప్రధాన పాత్రలలో నటించిన ఈ చిత్రం ఫ్యామిలీ, లవ్, యాక్షన్ ఎంటర్ టైనర్ గా రూపొందింది. తెలుగు, తమిళం భాషలలో గ్రాండ్ గా విడుదల చేయనున్నారు. డివివి ఎంటర్ టైన్మెంట్స్ బ్యానర్ పై ప్రముఖ నిర్మాత డివివి దానయ్య నిర్మిస్తున్నారు. ఎస్.ఎస్.థమన్ సంగీతం అందించారు.