‘దుర్గా రాణీ సింగ్’ పాత్రలో ఐశ్వర్యరాయ్

Posted: 10/12/2015 03:57 PM IST

సినిమాలకు చాలా కాలం విరామం తీసుకొని అందాల భామ ఐశ్వర్యరాయ్ నటించిన ‘జజ్బా’ చిత్రం ఇటీవలే విడుదలై మంచి టాక్ ను సొంతం చేసుకుంది. ‘జజ్బా’ సినిమాతో సెకండ్ ఇన్నింగ్స్ ను మొదలుపెట్టిన ఐశ్వర్యారాయ్ కు ప్రస్తుతం వరుస ఆఫర్లు వచ్చిపడుతున్నాయి.

కానీ ఐశ్వర్యారాయ్ మాత్రం సెలెక్టివ్ గా కథలను ఎంపిక చేసుకుంటుంది. ప్రస్తుతం ఈ అమ్మడికి వైవిధ్యమైన పాత్రలే లభిస్తున్నాయి. సరబ్ జీత్ సింగ్ జీవితం ఆధారంగా రూపొందుతున్న చిత్రంలోనూ, కరణ్ జోహార్ తీస్తున్న ‘అయ్ దిల్ హై ముష్కిల్’ చిత్రంలో ఐశ్వర్యారాయ్ కు విభిన్న పాత్రలే లభించాయి.

తాజాగా పోలీస్ ఆఫీసర్ పాత్రకు ఐశ్వర్యారాయ్ గ్రీన్ సిగ్నల్ ఇచ్చేసింది. సుజోయ్ ఘోష్ చెప్పిన ఓ కథకు ఐశ్వర్యారాయ్ గ్రీన్ సిగ్నల్ ఇచ్చేసారు. ఇందులో ఐశ్వర్యారాయ్ పవర్ ఫుల్ లేడీ పోలీస్ ఆఫీసర్ గా కనిపించనున్నారు. ఓ లేడీ పోలీస్ ఆఫీసర్ నిజ జీవిత కథతో రూపొందునున్న ఈ చిత్రానికి ‘దుర్గారాణీ సింగ్’ అనే టైటిల్ ను ఖరారు చేసారు.

ఈ సినిమా కోసం ముందుగా కంగనా రనౌత్, విద్యా బాలన్ వంటి హీరోయిన్ల పేర్లు వినిపించాయి. కానీ చివరకు ఈ పాత్ర ఐశ్వర్యారాయ్ కే దక్కింది. ఇటీవలే ఈ సినిమా విశేషాలు తెలియజేస్తూ... ఇటీవలే సుజోయ్ ఘోష్ కొన్ని కథలతో సంప్రదించారు. అందులో ‘దుర్గా...’ కథ నాకు బాగా నచ్చింది. అన్నీ కుదిరితే త్వరలోనే అది చేసే ఛాన్స్ వుందని ఐశ్వర్యారాయ్ చెప్పుకొచ్చింది. మరి ఈ సినిమా ఎప్పుడు ప్రారంభం అవుతుందో త్వరలోనే తెలియనుంది.