భయపెడుతున్న వర్మ ‘ఎటాక్’ కొత్త ట్రైలర్

Posted: 10/07/2015 12:57 PM IST

మంచు మనోజ్ హీరోగా రాంగోపాల్ వర్మ దర్వకత్వంలో శ్రీ శుభశ్వేత ఫిలింస్ బ్యానర్ పై శ్వేతలానా, వరుణ్, తేజ, సివిరావ్ సంయుక్తంగా నిర్మిస్తున్న తాజా చిత్రం ‘ఎటాక్’. ఇటీవలే విడుదలైన ఈ చిత్ర ట్రైలర్, పోస్టర్లకు భారీ రెస్పాన్స్ వచ్చింది.

తాజాగా మరో ట్రైలర్ ను విడుదల చేసారు. భారీ యాక్షన్ సన్నివేశాలతో రూపొందుతోంది. మనోజ్ సరసన ‘బీరువా’ ఫేం సురభి హీరోయిన్ గా నటిస్తుంది. ఇందులో ప్రకాశ్ రాజ్, జగపతి బాబు, వడ్డే నవీన్, అభిమన్యు సింగ్, పూనమ్ కౌర్ ప్రధాన పాత్రలలో నటిస్తున్నారు.

యాక్షన్ రివేంజ్ డ్రామాగా రూపొందుతున్న ఈ సినిమాలో భారీ యాక్షన్ సన్నివేశాలు వుండనున్నాయి. ఈ చిత్రం త్వరలోనే ప్రేక్షకుల ముందుకు రానుంది. మరి ఈ సినిమా ఎలాంటి విజయం సాధించనుందో చూడాలి.