స్టైలిష్ లుక్ తో పిచ్చెక్కిస్తున్న ఎన్టీఆర్... టైటిల్ ఖరారు

Posted: 09/17/2015 12:46 PM IST

Ntr nannaku prematho first look poster release

‘టెంపర్’ తర్వాత యంగ్ టైగర్ ఎన్టీఆర్ హీరోగా నటిస్తున్న తాజా చిత్ర ఫస్ట్ లుక్ పోస్టర్ ను తాజాగా వినాయక చవితి సంధర్భంగా ఈరోజు ఉదయం 11:30 నిమిషాలకు విడుదల చేసారు. ఈ చిత్రానికి ‘నాన్నకు ప్రేమతో’ అనే టైటిల్ ను ఖరారు చేసారు. ఇందులో ఎన్టీఆర్ సింపుల్ అండ్ స్టైలిష్ గా కనిపిస్తున్నాడు.

ఈ ఫస్ట్ లుక్ విడుదలై 10 నిమిషాలు కాకముందే సోషల్ మీడియాలో 1500లకు పైగా ఈ పోస్టర్ ను షేర్ చేసారు. ఈ పోస్టర్ తో యంగ్ టైగర్ అభిమానులు ఫుల్ ఖుషీలో వున్నారు. ఈ సినిమాలో ఎన్టీఆర్ లుక్స్, అలాగే టైటిల్ చూసి.. ఈ చిత్రం ఖచ్చితంగా ఘనవిజయం సాధిస్తుందని అభిమానులు ధీమా వ్యక్తం చేస్తున్నారు.

ప్రముఖ దర్శకుడు సుకుమార్ దర్శకత్వంలో తెరకెక్కుతున్న ఈ క్రేజీ ప్రాజెక్టును వరుస హిట్ చిత్రాల నిర్మాణ సంస్థ శ్రీ వెంకటేశ్వర సినీ చిత్ర బ్యానర్ పై నిర్మాత బి.వి.ఎస్.ఎన్. ప్రసాద్ నిర్మిస్తున్నారు. ఇందులో ఎన్టీఆర్ సరసన రకూల్ ప్రీత్ సింగ్ హీరోయిన్ గా నటిస్తుంది. దేవిశ్రీప్రసాద్ సంగీతం అందిస్తున్నాడు.

ఈ సినిమాలో జగపతిబాబు, రాజేంద్రప్రసాద్ ఓ కీలక పాత్రలలో కనిపించనున్నారు. పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.