అదరగొడుతున్న ‘జై గంగాజల్’ ఫస్ట్ లుక్

Posted: 09/16/2015 04:43 PM IST

బాలీవుడ్ స్టార్ హీరోయిన్ ప్రియాంక చోప్రా నటిస్తున్న తాజా చిత్రం ‘జై గంగాజల్’. ప్రకాష్ జా దర్శకత్వంలో తెరకెక్కుతున్న ఈ చిత్రంలో ప్రియాంక చోప్రా పవర్ ఫుల్ ఐపిఎస్ ఆఫీసర్ పాత్రలో నటిస్తుంది. ఈ చిత్రానికి మొన్నటి వరకు ‘గంగాజల్2’ అని అనుకున్నారు. కానీ తాజాగా ‘జై గంగాజల్’ అనే టైటిల్ ఖరారు చేసారు.

వినాయక చవితి సంధర్భంగా ఈ చిత్ర ఫస్ట్ లుక్ పోస్టర్ ను విడుదల చేసారు. గతంలో అజయ్ దేవగణ్ నటించిన ‘గంగాజల్’(2003) చిత్రానికి సీక్వెల్ గా ‘జై గంగాజల్’ చిత్రం తెరకెక్కుతుంది. ఈ చిత్ర ఫస్ట్ లుక్ పోస్టర్ ను ప్రియాంక చోప్రా తన సోషల్ మీడియా ట్విట్టర్ అకౌంట్ ద్వారా విడుదల చేసింది.

ప్రకాష్ జా ప్రొడక్షన్స్ మరియు ప్లే ఎంటర్ టైన్మెంట్స్ ప్రొడక్షన్ సంయుక్తంగా నిర్మిస్తున్న ఈ చిత్రాన్ని మార్చి 4, 2016లో విడుదల చేయబోతున్నట్లుగా ప్రియాంక చోప్రా ట్విట్టర్ ద్వారా ప్రకటించింది. త్వరలోనే ట్రైలర్ ను కూడా విడుదల చేయనున్నారు.