భయపడకుంటే 5 లక్షలిస్తామంటున్న మయూరి

Posted: 09/16/2015 11:42 AM IST

Nayanthara mayuri film producers annonce 5 lakhs challenge

నయనతార ప్రధాన పాత్రలో నటించిన తాజా చిత్రం ‘మయూరి’. సి.కె.ఎంటర్ టైన్మెంట్స్ ప్రై.లి. అండ్ శ్రీ శుభశ్వేత ఫిలింస్ పతాకంపై అశ్విన్ శరవణన్ దర్శకత్వంలో శ్వేతలానా, వరుణ్, తేజ, సివిరావు సంయుక్తంగా నిర్మించారు. ఈ చిత్రాన్ని వినాయక చవితి సంధర్భంగా సెప్టెంబర్ 17న విడుదల చేస్తున్నారు.

ఈ సంధర్భంగా సి.కె.ఎంటర్ టైన్మెంట్స్ అధినేత సి.కళ్యాణ్ మాట్లాడుతూ... ఇందులో ఇద్దరు నయనతారలు వుంటారు. ఒకరు మాయ, మరొకరు మయూరి. ఒక హర్రర్ సినిమాను ఒంటరిగా చూసి భయపడకుండా వుంటే 5 లక్షలు బహుబతి ఇస్తామనేది ఈ చిత్రంలోని కాన్సెప్ట్. అలాంటి డిఫరెంట్ కాన్సెప్టుతో రూపొందిన ఈ సినిమా డెఫినెట్ గా అందర్నీ భయపెడుతుందన్న నమ్మకంతో సినిమాలోనే కాన్సెప్టునే మేము కూడా ప్రేక్షకులకు చెప్తున్నాం. ఎవరైనా ఒంటరిగా ఈ సినిమా చూసి పల్స్ రేట్ డౌన్ కాకుండా, బి.పి. పెరగకుండా నార్మల్ గా వుంటే వారికి 5 లక్షలు బహుమతిగా ఇస్తాం అని చెప్పుకొచ్చారు.

Video Courtesy : Redicon Trailers

ఇప్పటికే విడుదలైన ట్రైలర్లకు భారీ రెస్పాన్స్ వస్తోంది. విజువల్ ఎఫెక్ట్స్ తో ప్రతి క్షణం భయపెడుతూ, థ్రిల్ కు గురిచేసే విధంగా రూపొందిన ఈ చిత్రం తప్పకుండా మంచి విజయం సాధిస్తుందని చిత్ర యూనిట్ భారీగా ఆశాభావం వ్యక్తం చేస్తున్నారు. ఈ చిత్రాన్ని తెలుగు, తమిళంలో విడుదల చేయనున్నారు. తమిళంలో ‘మాయ’ పేరుతో విడుదల కానుంది. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.