సన్నీ కండోమ్ ప్రకటనపై శిల్పా సానుభూతి

Posted: 09/05/2015 10:36 AM IST

బాలీవుడ్ సెక్సీ భామ సన్నీలియోన్ నటించిన కండోమ్ ప్రకటనపై విమర్శలు రోజురోజుకు పెరిగిపోతున్నాయి. సన్నీలియోన్ నటించిన ఈ ప్రకటన చూస్తే అత్యాచారాలు మరింతగా పెరగడం ఖాయమని సిపిఐ జాతీయ కార్యదర్శి అతుల్ కుమార్ అన్ జాన్ ఈ విషయంపై తన ఆగ్రహం వ్యక్తం చేసిన విషయం తెలిసిందే.

అయితే ఈ విషయంలో సన్నీలియోన్ కు బాలీవుడ్ నటి శిల్పాశెట్టి బాసటగా నిలిచారు. ఈ విషయంపై శిల్పాశెట్టి స్పందిస్తూ... సన్నీలియోన్ ప్రకటనపై విమర్శలు చేయడం హాస్యాస్పదం. ప్రజలెవరూ కూడా ఆ ధోరణీలో ఆలోచిస్తారని నేను భావించడం లేదు. దీని గురించి ఎక్కువగా స్పందించడం సరికాదు. సానుకూల అంశాలపై మాత్రమే దృష్టిపెడితే బాగుంటుందని చెప్పుకొచ్చింది.

అలాగే సన్నీలియోన్ కూడా ఈ విషయంపై స్పందిస్తూ... రాజకీయ నాయకులు తనకోసం మీ విలువైన సమయాన్ని వృధా చేసుకోకుండా, ఆ సమయాన్ని కష్టాల్లో వున్న ప్రజలకు సాయం చేయడానికి ఉపయోగిస్తే బాగుంటుందని సన్నీలియోన్ ఘాటుగా స్పందించింది. మరి ఈ కండోమ్ ప్రకటన వ్యవహారం ఇంకెంత దూరం వెళ్లనుందో చూడాలి.