రేపే వరుణ్ తేజ ‘కంచె’ ట్రైలర్ విడుదల

Posted: 08/31/2015 01:00 PM IST

కంచె అనేది ఊళ్ళ మధ్యన, దేశాల మధ్యనే కాదు. మనుషుల మధ్యన, కుటుంబాల మధ్యన కూడా ఉండొచ్చు, ఉంటాయి. ఈ నేపధ్యం లో, 1940 ల లో సాగే ఓ కథతో ప్రముఖ దర్శకుడు క్రిష్ తెరకెక్కిస్తున్న తాజా చిత్రం ‘కంచె’. వరుణ్ తేజ, ప్రజ్ఞా జైస్వాల్ జంటగా నటిస్తున్న ఈ చిత్రాన్ని రాజీవ్ రెడ్డి, మరియు సాయి బాబు జాగర్లమూడి సంయుక్తం గా ఫస్ట్ ఫ్రేమ్ ఎంటర్టైన్మెంట్ బ్యానర్ పై నిర్మిస్తున్నారు.

ఇప్పటికే విడుదలైన ఈ చిత్ర టీజర్ కు మంచి స్పందన వచ్చింది. అయితే ఈ చిత్ర ట్రైలర్ ను పవర్ స్టార్ పవన్ కళ్యాణ్ పుట్టినరోజు(సెప్టెంబర్2) సంధర్భంగా ఒకరోజు ముందుగానే రేపు(సెప్టెంబర్1) విడుదల చేయనున్నారు. పవన్ కళ్యాణ్ కు బర్త్ డే గిఫ్ట్ గా ఈ ట్రైలర్ ను విడుదల చేయనున్నారు.

ఇటీవలే షూటింగ్ పూర్తి చేసుకొని, ప్రస్తుతం పోస్ట్ ప్రొడక్షన్ కార్యక్రమాల్లో బిజీగా వుంది. ఇందులో వరుణ్ ఓ యుద్ధ సైనికుడి పాత్రలో నటిస్తున్నాడు. భారీ అంచనాలతో రూపొందుతున్న ఈ చిత్రాన్ని అక్టోబర్2న గాంధీ జయంతి సంధర్భంగా విడుదల చేయనున్నారు.