టీజర్: యాక్షన్ అదిరింది కానీ.. ఆ ఒక్కటి లేదు!

Posted: 08/29/2015 07:00 PM IST

Akkineni akhil debut movie akhil teaser released nagarjuna birthday vv vinayak

ప్రముఖ దర్శకుడు వివి వినాయక్ దర్శకత్వంలో అక్కినేని అఖిల్ హీరోగా తెరకెక్కుతున్న డెబ్యూ చిత్రానికి ‘అఖిల్’ అని టైటిల్ ఖరారు చేశారు. ఈ చిత్రానికి సంబంధించి ఇదివరకే ఫస్ట్ లుక్ పోస్టర్లను విడుదల చేయగా.. అవి చాలా బాగున్నాయంటూ ప్రశంసలొచ్చాయి. ఇప్పుడు అక్కినేని నాగార్జున బర్త్ డే సందర్భంగా తాజాగా టీజర్ ని విడుదల చేశారు.

ఈ టీజర్ లో అఖిల్ యాక్షన్ సన్నివేశాలను అందరినీ అబ్బురపరిచేలా వున్నాయి. కానీ.. ఈ టీజర్ లో ఓ ముఖ్యమైన అంశాన్ని చూపించడం మాత్రం మరిచిపోయారు. ఈ సినిమా కథానేపథ్యం ఏంటో అన్న విషయాన్ని ఈ టీజర్ లో చూపించలేదు. ఏదో ఫార్మాలిటీకి టీజర్ ని విడుదల చేశారే తప్ప.. సరైన అంశాన్ని అందులో చూపించకుండా అభిమానుల్ని నిరాశపరిచారు. ఈ టీజర్ మాస్ ఆడియెన్స్ నచ్చుతుందేమో కానీ.. సాధారణ ఆడియెన్స్ కి మాత్రం కాస్త ఓవర్ డోస్ లా కనిపిస్తోంది. ఏదేమైనా.. తన మొదటి చిత్రానికి సంబంధించిన టీజర్లోనే అఖిల్ అద్భుతంగా తన యాక్షన్ పెర్ఫార్మెన్స్ ని కనబరిచాడని ప్రశంసలైతే వస్తున్నాయి.

ఈ చిత్రాన్ని యంగ్ హీరో నిఖిల్ భారీ బడ్జెట్టుతో నిర్మిస్తుండగా.. ఇందులో సాయేషా సెహగల్ హీరోయిన్ గా నటిస్తోంది. ప్రస్తుతం శరవేగంగా షూటింగ్ జరుపుకుంటున్న ఈ చిత్రాన్ి త్వరలోనే ప్రేక్షకుల ముందుకు తీసుకొచ్చేందుకు దర్శకనిర్మాతలు సన్నాహాలు చేస్తున్నారు.