రామ్ స్టైలిష్ శివమ్... ఫస్ట్ లుక్ అదిరింది!

Posted: 08/18/2015 05:18 PM IST

‘పండగ చేస్కో’ తర్వాత ఎనర్జిటిక్ హీరో రామ్ నటిస్తున్న తాజా చిత్రం ‘శివమ్’. శ్రీ స్రవంతి మూవీస్ పతాకంపై కృష్ణచైతన్య సమర్పణలో 'స్రవంతి' రవికిశోర్ ఈ చిత్రాన్ని నిర్మిస్తున్నారు. ప్రముఖ దర్శకుడు సురేందర్ రెడ్డి దగ్గర దర్శకత్వ శాఖలో చేసిన శ్రీనివాసరెడ్డి దర్శకత్వంలో ఈ చిత్రం రూపొందుతోంది.

ఈ చిత్రం టాకీ పార్ట్ పూర్తయ్యింది. ఈ నెల 17 నుంచి నార్వే, స్వీడన్ లో పాటలు చిత్రీకరణ మొదలు పెట్టనున్నారు. అక్కడి అందమైన పరిసర ప్రాంతాల్లో ఈ నెలాఖరు వరకూ మూడు పాటలు చిత్రీకరించనున్నారు. అయితే తాజాగా ఈ చిత్ర ఫస్ట్ లుక్ టైటిల్ పోస్టర్లను విడుదల చేసారు.

ఇందులో రామ్ సరసన రాశిఖన్నా హీరోయిన్ గా నటిస్తుంది. ఈ పోస్టర్లు చాలా స్టైలిష్ గా వున్నాయి. ఈ చిత్రానికి దేవిశ్రీప్రసాద్ సంగీతం అందిస్తున్నాడు. త్వరలోనే ఆడియో విడుదల చేసి, సినిమాను కూడా త్వరలోనే ప్రేక్షకుల ముందుకు తీసుకురానున్నారు.