భలే భలే మగాడివోయ్ ఆడియో విడుదల

Posted: 08/17/2015 09:57 AM IST

Bhale bhale magadivoy movie audio released

నాని, లావణ్య త్రిపాఠీ హీరోహీరోయిన్లుగా నటిస్తున్న తాజా చిత్రం ‘భలే భలే మగాడివోయ్’. అల్లు అర‌వింద్ సమ‌ర్పణ‌లో, గీతా ఆర్ట్స్ 2 – యువి క్రియేషన్స్ సంయుక్తంగా ప్రోడ‌క్షన్ నెం. 1 గా బన్ని వాసు నిర్మిస్తున్న ఈ చిత్రానికి ప్రముఖ దర్శకుడు మారుతి దర్శకత్వం వహిస్తున్నారు.

గోపి సుందర్ సంగీతం అందించిన ఈ చిత్ర ఆడియో విడుదల కార్యక్రమం ఇటీవలే ఘనంగా జరిగింది. ఈ కార్యక్రమానికి స్టైలిష్ స్టార్ అల్లు అర్జున్ ముఖ్య అతిథిగా విచ్చేసారు. బిగ్ సీడీని, ఆడియో సీడీలను అల్లు అర్జున్ విడుదల చేసి నాని, లావణ్య త్రిపాఠీలకు అందించారు.

అలాగే ఈ చిత్ర థియేటర్ ట్రైలర్ ను విడుదల చేసారు. ఇందులో నాని ఓ మతిమరుపు లవర్ బాయ్ పాత్రలో నటించాడు. పూర్తిస్థాయి కామెడీ లవ్ ఎంటర్ టైనర్ గా రూపొందిన ఈ చిత్రం షూటింగ్ పూర్తిచేసుకొని ప్రస్తుతం పోస్ట్ ప్రొడక్షన్ కార్యక్రమాలను శరవేగంగా జరుపుకుంటోంది. త్వరలోనే ఈ చిత్రం ప్రేక్షకుల ముందుకు రానుంది.