స్టైలిష్ బాద్ షా... యంగ్ టైగర్ లుక్ కేక

Posted: 08/14/2015 05:44 PM IST

యంగ్ టైగర్ ఎన్టీఆర్ హీరోగా సుకుమార్ దర్శకత్వంలో తాజాగా ఓ చిత్రం తెరకెక్కుతున్న విషయం తెలిసిందే. ఎన్టీఆర్ సరసన తొలిసారిగా రకూల్ ప్రీత్ సింగ్ హీరోయిన్ గా నటిస్తుంది. ప్రస్తుతం ఈ చిత్ర షూటింగ్ లండన్ లో జరుగుతోంది. లండన్ లో మొదలైన ఈ షెడ్యూల్ సెప్టెంబర్ 20 వరకూ కంటిన్యూగా జరుగనుంది.

లండన్ లో ఇప్పటికే ఓ పాటను మరియు కొన్ని యాక్షన్ సన్నివేశాలు మరియు కొన్ని కీలక సన్నివేశాలను చిత్రీకరిస్తున్నారు. లండన్ తర్వాత షెడ్యూల్ యూరప్ లో జరుగనుంది. అయితే తాజాగా రేపు ఆగష్టు 15 ఇండిపెండెన్స్ డే సంధర్భంగా ఈ చిత్రంలోని ఎన్టీఆర్ కు సంబంధించిన ఓ స్టైలిష్ లుక్ స్టిల్ ను విడుదల చేసారు.

ఇందులో ఎన్టీఆర్ చాలా స్టైలిష్ గా కనిపిస్తున్నాడు. ఈ సినిమాలో జగపతిబాబు, రాజేంద్రప్రసాద్ ఓ కీలక పాత్రలలో కనిపించనున్నారు. ఈ చిత్రానికి ‘నాన్నకు ప్రేమతో’ అనే టైటిల్ పరిశీలిస్తున్నారు. బివిఎస్ఎన్ ప్రసాద్ నిర్మిస్తున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు.

పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.