అఖిల్ భామకు పుట్టినరోజు కానుక

Posted: 08/12/2015 05:29 PM IST

Sayyeshaa saigal birthday special teaser release

వివివినాయక్ దర్శకత్వంలో అక్కినేని అఖిల్ హీరోగా ఓ చిత్రం తెరకెక్కుతున్న విషయం తెలిసిందే. ఈ సినిమా ద్వారా సయేశా సైగల్ హీరోయిన్ గా తెలుగుతెరకు పరిచయమవుతుంది. అయితే ఈరోజు(ఆగష్టు12) సయేశా పుట్టినరోజు సంధర్భంగా ఓ మేకింగ్ వీడియోను విడుదల చేసారు.

ఈ మేకింగ్ వీడియోలో సయేశా సైగల్ కు సంబంధించిన ఇంట్రడక్షన్ సన్నివేశాలను చిత్రీకరిస్తున్నాడు. సెక్సీ హాట్ సారీలో సయేశా చాలా బాగుంది. కమర్షియల్ లవ్, యాక్షన్ ఎంటర్ టైనర్ గా రూపొందుతున్న ఈ చిత్రాన్ని అన్నపూర్ణ స్టూడియోస్ సమర్పణలో శ్రేష్ట్ మూవీస్ బ్యానర్ పై హీరో నితిన్ భారీ బడ్జెట్ తో నిర్మిస్తున్నాడు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఈ చిత్ర ఫస్ట్ లుక్ ను ఆగష్టు29న అక్కినేని నాగార్జున పుట్టినరోజు సంధర్భంగా విడుదల చేయనున్నారు. అలాగే ఈ చిత్ర ఆడియోను సెప్టెంబర్ 20న అక్కినేని నాగేశ్వరరావు జయంతి సంధర్భంగా విడుదల చేయనున్నారు. అక్టోబర్ 21న విజయదశమి కానుకగా ప్రపంచ వ్యాప్తంగా విడుదల చేయనున్నారు.