శ్రీమంతుడు ఫస్ట్ డే కలెక్షన్స్... అన్నిచోట్ల హిట్ టాక్

Posted: 08/08/2015 10:42 AM IST

Mahesh srimanthudu movie first day collections

భారీ అంచనాలతో తెరకెక్కిన ‘శ్రీమంతుడు’ చిత్రం నిన్న (ఆగష్టు7) ప్రపంచ వ్యాప్తంగా తెలుగు, తమిళం భాషలలో విడుదలైన విషయం తెలిసిందే. ప్రముఖ దర్శకుడు కొరటాల శివ దర్శకత్వంలో తెరకెక్కిన ఈ చిత్రంలో మహేష్ బాబు, శృతిహాసన్ జంటగా నటించారు. మైత్రీ మూవీ మేకర్స్ సంస్థ నిర్మించింది. దేవిశ్రీప్రసాద్ సంగీతం అందించాడు.

ఈ సినిమా విడుదలైన మొదటి రోజే భారీ కలెక్షన్లతో ప్రారంభమయ్యింది. ఆగష్టు 7న ఈ చిత్రం అంతటా కలిపి 27 కోట్లు వసూలు చేసినట్లుగా తెలిసింది. కేవలం రెండు భాషల్లోనే విడుదలైన ఈ చిత్రం ఇలా మొదటిరోజే 27కోట్లు వసూలు చేయడం తక్కువేమి కాదని చెప్పుకోవచ్చు. మరి ఈరోజు, రేపు ఎలాంటి కలెక్షన్లను రాబట్టనుందో చూడాలి.

తమిళంలో ‘సెల్వాందన్’ పేరుతో విడుదలైన ఈ చిత్రం అక్కడ కూడా దుమ్మురేపుతోంది. ‘శ్రీమంతుడు’కి అంతటా కూడా పాజిటివ్ టాక్ వస్తుండటంతో చిత్ర యూనిట్ తో పాటు అభిమానులు కూడా ఫుల్ ఖుషీలో వున్నారు. మరి ‘శ్రీమంతుడు’ చిత్రం ఇంకెన్ని కలెక్షన్లు రాబట్టనుందో మరికొద్ది రోజుల్లోనే తెలియనుంది.