అనంతపూర్ లో మళ్లీ మొదలైన నాని ‘జై బాలయ్య’

Posted: 07/29/2015 05:16 PM IST

Nani jai balayya movie latest shooting details

మారుతి దర్శకత్వంలో నాని హీరోగా తెరకెక్కుతున్న ‘భలే భలే మగాడివోయ్’ చిత్ర షూటింగ్ మొత్తం ఇటీవలే పూర్తయిన విషయం తెలిసిందే. నాని, లావణ్య త్రిపాఠీ జంటగా నటిస్తున్న ఈ చిత్రాన్ని బన్నీవాసు నిర్మిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది. ఈ సినిమా షూటింగ్ పూర్తవడంతో నాని తన తర్వాత చిత్ర షూటింగ్ లో పాల్గొంటూ బిజీ అయ్యాడు.

‘భలే భలే మగాడివోయ్’ తర్వాత నాని హీరోగా హను రాఘవపూడి దర్శకత్వంలో ఓ చిత్రం తెరకెక్కుతోంది. 14 రీల్స్ ఎంటర్టైన్మెంట్ బ్యానర్ పై ప్రముఖ నిర్మాతలు రామ్ ఆచంట – గోపి ఆచంట – అనిల్ సుంకర సంయుక్తంగా నిర్మిస్తున్నారు. జులై 6న ప్రారంభమైన ఈ చిత్ర షెడ్యూల్ శరవేగంగా కొనసాగుతుంది. విశాల్ చంద్రశేఖర్ సంగీతం అందిస్తున్నారు.

ప్రస్తుతం ఈ చిత్ర షూటింగ్ అనంతపూర్ లో జరుగుతోంది. ఈ సినిమాలో నాని అనంతపూర్ నందమూరి బాలకృష్ణ ఫ్యాన్స్ అసోసియేషన్ ప్రెసిడెంట్ పాత్రలో కనిపించనున్నాడు.. అందువల్ల ఈ చిత్రానికి ‘జై బాలయ్య’ అనే టైటిల్ ను చిత్ర యూనిట్ పరిశీలిస్తున్నారు. త్వరలోనే ఈ చిత్రానికి సంబంధించిన మరిన్ని వివరాలు చిత్ర యూనిట్ అధికారికంగా ప్రకటించనున్నారు.