మధురైలో బాహుబలి థియేటర్ పై పెట్రోల్ బాంబ్ ఎటాక్

Posted: 07/22/2015 06:45 PM IST

ఎస్.ఎస్.రాజమౌళి దర్శకత్వంలో ప్రతిష్టాత్మకంగా రూపొందిన ‘బాహుబలి’ చిత్రం ప్రదర్శిస్తున్న థియేటర్ పై పెట్రోల్ బాంబు దాడి జరిగింది. ‘బాహుబలి’ చిత్రం ప్రపంచ వ్యాప్తంగా విడుదలైన విషయం తెలిసిందే. తెలుగుతో పాటు హిందీ, తమిళం, మలయాళం భాషలలో కూడా భారీ ఎత్తున విడుదల చేసారు.

ఈ చిత్రం అన్నిచోట్ల భారీ కలెక్షన్లతో విజయవంతంగా ప్రదర్శించబడుతోంది. అందులో భాగంగానే ‘బాహుబలి’ చిత్రం మధురైలో కూడా విజయవంతంగా ప్రదర్శించబడుతోంది. మధురైలో ‘బాహుబలి’ చిత్రం ప్రదర్శిస్తున్న ఓ థియేటర్ పై కొందరు పెట్రోల్ బాంబు దాడి చేసారు.

‘బాహుబలి’ సినిమాలో గిరిజనులను కించపరిచే విధంగా డైలాగులు, సన్నివేశాలు వున్నాయంటూ తమిళ పులి సంస్థకు చెందిన కొంతమంది కార్యకర్తలు ఈ దాడికి పాల్పడ్డారు. అలాంటి సీన్లు మరియు డైలాగులను వెంటనే తొలగించాలని వారు డిమాండ్ చేసారు. మరి ఈ విషయంపై చిత్ర యూనిట్ ఎలా స్పందిస్తారో త్వరలోనే తెలియనుంది.