ముక్తాంబగా నిత్యామీనన్ లుక్ అదుర్స్

Posted: 07/21/2015 05:11 PM IST

గుణశేఖర్ దర్శకత్వంలో రూపొందుతున్న భారీ బడ్జెట్ చిత్రం ‘రుద్రమదేవి’. తెలుగు సినీ ఇండస్ట్రీలో ప్రతిష్టాత్మకంగా తెరకెక్కుతున్న ఈ చిత్రంలో రుద్రమదేవి పాత్రలో అందాల భామ అనుష్క నటించింది. స్టైలిష్ స్టార్ అల్లు అర్జున్ గోనగన్నారెడ్డి పాత్రలో నటించాడు. చాళుక్య వీరభద్రుడి పాత్రలో రానా నటించాడు.

అలాగే కృష్ణంరాజు, ప్రకాశ్ రాజ్, నిత్యామీనన్, కెథరిన్ థ్రెసా, హంస నందిని, బాబా సెహగల్ తదితరులు ముఖ్య పాత్రలలో నటించారు. అయితే ఇటీవలే ఈ చిత్ర ప్రమోషన్ కార్యక్రమాలు ప్రారంభించారు. ఇందులో భాగంగా చిత్రంలో నటించిన ప్రధాన తారాగణంకు సంబంధించిన పాత్రల ఫస్ట్ లుక్ పోస్టర్లను విడుదల చేస్తున్నారు.

‘రుద్రమదేవి’ సినిమాకు సంబంధించి ఇప్పటికే అనుష్క, రానా, అల్లు అర్జున్, కృష్ణంరాజు, ప్రకాశ్ రాజ్, కెథరిన్ పాత్రల ఫస్ట్ లుక్ పోస్టర్లను విడుదల చేసిన విషయం తెలిసిందే. అయితే తాజాగా ఈ చిత్రంలో నటించిన నిత్యామీనన్ పాత్ర ఫస్ట్ లుక్ పోస్టర్ ను విడుదల చేసారు. ఇందులో ముక్తాంబ పాత్రలో కెథరిన్ నటించింది. ఆ ఫస్ట్ లుక్ మీకోసం అందిస్తున్నాం మీరు ఓ లుక్కేయండి.