జోధ్పూర్ లో ఇరగ్గొడుతున్న పూరీ లోఫర్

Posted: 07/20/2015 12:51 PM IST

Puri jagannadh loafer movie shooting in jodhpur

‘ముకుంద’, ‘కంచె’ తర్వాత యంగ్ హీరో వరుణ్ తేజ నటిస్తున్న మూడవ చిత్రం ‘లోఫర్’. ప్రముఖ దర్శకుడు పూరీ జగన్నాథ్ దర్శకత్వంలో తెరకెక్కుతున్న ఈ చిత్ర షూటింగ్ ఇటీవలే ప్రారంభమయ్యింది. ఇటీవలే మొదటి షెడ్యూల్ ను విజయవంతంగా పూర్తి చేసుకుంది. ప్రస్తుతం సెకండ్ షెడ్యూల్ రాజస్థాన్ లో జరుగుతుంది.

ప్రస్తుత ఈ చిత్ర షూటింగ్ జోధ్పూర్ లో జరుగుతోంది. హీరో వరుణ్, హీరోయిన్ దిశా పటాని మరియు తదితర ముఖ్యతారాగణంపై కొన్ని కీలక సన్నివేశాలను చిత్రీకరిస్తున్నారు. అక్కడే దాదాపు ఓ 20 రోజుల పాటు షూటింగ్ జరుపుకోనుందని సమాచారం.

సి.కె.ఎంటర్ టైన్మెంట్స్ ప్రై.లిమిటెడ్ పై సి. కళ్యాణ్ సమర్పణలో శ్వేతలానా, వరుణ్, తేజ, సి.వి.రావు సంయుక్తంగా నిర్మిస్తున్నారు. సునీల్ కశ్యప్ సంగీతం అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నాడు. ప్రస్తుతం వరుణ్ నటించిన ‘కంచె’ సినిమా విడుదలకు సిద్ధమవుతోంది.