అనుష్క రుద్రమదేవి కొత్త పోస్టర్ విడుదల

Posted: 07/11/2015 05:51 PM IST

ప్రముఖ దర్శకుడు గుణశేఖర్ దర్శకత్వంలో అనుష్క ప్రధాన పాత్రలో నటించిన చిత్రం ‘రుద్రమదేవి’. అనుష్క రుద్రమదేవిగా నటించిన ఈ చిత్రంలో స్టైలిష్ స్టార్ అల్లు అర్జున్ ‘గోన గన్నారెడ్డి’ పాత్రలో నటించాడు. రానా ఓ కీలక పాత్రలో నటించాడు. రానా, నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు.

ఇప్పటికే విడుదలైన పాటలు, ట్రైలర్లకు మంచి స్పందన వచ్చింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. ఇటీవలే ఈ చిత్రానికి మెగాస్టార్ చిరంజీవి వాయిస్ ఓవర్ ను అందించారు. అయితే తాజాగా ఈ చిత్రానికి సంబంధించిన మరో పోస్టర్ ను విడుదల చేసారు. ఇందులో అందరూ నటీనటుల చిత్రాలను పొందుపరిచారు.

భారీ బడ్జెట్ తో ప్రతిష్టాత్మకంగా రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.