విడుదలకు నోచుకోని మలయాళ బాహుబలి

Posted: 07/11/2015 05:23 PM IST

ఎట్టకేలకు నిన్న ప్రపంచ వ్యాప్తంగా ‘బాహుబలి - ది బిగినింగ్’ చిత్రం విడుదలైన విషయం తెలిసిందే. ప్రముఖ దర్శకుడు ఎస్.ఎస్.రాజమౌళి దర్శకత్వంలో తెరకెక్కిన ఈ చిత్రంలో యంగ్ రెబల్ స్టార్ ప్రభాస్, రానా, అనుష్క, తమన్నా, రమ్యకృష్ణ ప్రధాన పాత్రలలో నటించారు. ఆర్కా మీడియా సంస్థ ప్రతిష్టాత్మకంగా భారీ బడ్జెట్ తో నిర్మించింది.

ఈ చిత్రాన్ని తెలుగుతో పాటు తమిళం, హిందీ, మలయాళం భాషలలో విడుదల చేయాలని అనుకున్నారు. ఇప్పటికే తెలుగు, తమిళం, హిందీ భాషలలో విడుదలై భారీ కలెక్షన్లు వసూలు చేస్తూ, హౌస్ ఫుల్ షోలతో నడుస్తోంది. కానీ మలయాళంలో మాత్రం ఈ చిత్రం ఇంకా విడుదల కాలేదు.