విజయ్ పులి ఆడియో సందడికి డేట్ ఫిక్స్

Posted: 07/09/2015 12:34 PM IST

తమిళంలో విజయ్, శృతిహాసన్, హన్సిక హీరోహీరోయిన్లుగా నటిస్తున్న తాజా చిత్రం ‘పులి’. శింబుదేవన్ దర్శకత్వంలో ఎస్.కె.టి స్టూడియోస్ పతాకంపై పి.టి.సెల్వకుమార్ నిర్మిస్తున్న ఈ భారీ బడ్జెట్ చిత్రాన్ని తెలుగు, తమిళ, హిందీ భాషలలో ఏకకాలంలో రూపొందిస్తున్నారు.

యువ సంగీత దర్శకుడు దేవిశ్రీప్రసాద్ సంగీతం అందిస్తున్నాడు. ఈ చిత్ర ఆడియోను ఆగష్టు 2వ తేదిన విడుదల చేయనున్నారు. ఇప్పటికే విడుదలై ట్రైలర్ కు భారీ రెస్పాన్స్ వస్తుంది. బాలీవుడ్ నటి శ్రీదేవి కపూర్, కన్నడ స్టార్ హీరో సుదీప్ ప్రధాన పాత్రలలో నటిస్తున్నారు. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి.

సోషియో ఫాంటసీ తరహాలో భారీ విజువల్ ఎఫెక్ట్స్ ప్రధానంగా రూపొందుతున్న ఈ చిత్రాన్ని వినాయక చవితి సంధర్భంగా సెప్టెంబర్ 17న గ్రాండ్ గా తెలుగు, తమిళ, హిందీ భాషలలో విడుదల చేయనున్నారు. త్వరలోనే మరిన్ని వివరాలు తెలియనున్నాయి.