నాగశౌర్య సినిమాలో బొద్దుగుమ్మ రాశి

Posted: 06/30/2015 11:46 AM IST

Actress raasi in naga shaurya kalyana vaibhogame

ఒకప్పడు వరుస హిట్ చిత్రాలతో అగ్ర, స్టార్ హీరోలతో జతకట్టిన స్టార్ హీరోయిన్ అందాల ముద్దుగుమ్మ రాశి.. ఈ మధ్య క్యారెక్టర్ ఆర్టిస్ట్ పాత్రల్లో కొనసాగుతోంది. ప్రస్తుతం తెలుగు, తమిళ సినిమాలలో చిన్న చిన్న పాత్రలలో నటిస్తుంది. అయితే మళ్లీ క్యారెక్టర్ ఆర్టిస్టుగా రాశి బిజీ అవ్వడానికి సిద్ధమయ్యింది. తెలుగులో రాశి ఓ సినిమాలో నటించబోతుంది.

నాగశౌర్య హీరోగా ‘అలా మొదలైంది’ ఫేం నందిని రెడ్డి దర్శకత్వంలో ‘కళ్యాణ వైభోగమే’ అనే చిత్రం తెరకెక్కుతున్న విషయం తెలిసిందే. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇందులోని ఓ కీలక పాత్ర కోసం రాశిని ఎంపిక చేసుకున్నారు. ఇటీవలే రాశిపై వచ్చే సన్నివేశాలను చిత్రీకరించినట్లుగా తెలిసింది. త్వరలోనే అన్ని వివరాలు ప్రకటించనున్నారు.

నాగశౌర్య సరసన ‘ఎవడే సుబ్రమణ్యం’ ఫేం మాళవిక నాయర్ హీరోయిన్‌గా నటిస్తుంది. ఈ సినిమాకు కళ్యాణ్ కోడూరి సంగీతం సమకూరుస్తున్నారు. చిత్ర షూటింగ్ దాదాపు చివరి దశకు చేరుకుంది. త్వరలోనే ఈ చిత్రానికి సంబంధించిన అన్ని వివరాలు అధికారికంగా ప్రకటించనున్నారు.