మలయాళంలో బాహుబలి వరల్డ్ రికార్డ్ పోస్టర్

Posted: 06/29/2015 10:19 AM IST

రాజమౌళి ‘బాహుబలి’ చిత్రం వరల్డ్ రికార్డ్ క్రియేట్ చేయనుంది. అయితే ఈ సినిమా ప్రపంచ వ్యాప్తంగా విడుదలై భారీ విజయం సాధించి, వరల్డ్ రికార్డు క్రియేట్ చేయనుందని గతకొద్ది రోజులుగా వార్తలొస్తున్నాయి. ఈ రికార్డు సినిమా గురించి కాదు. ‘బాహుబలి’ పోస్టర్ వరల్డ్ రికార్డు క్రియేట్ చేయనుందని తెలుస్తోంది.

‘బాహుబలి’ సినిమా మలయాళం వర్షెన్ కు సంబంధించిన ఆడియో విడుదల కార్యక్రమం ఇటీవలే కొచ్చిలో గ్రాండ్ గా జరిగింది. ఈ సందర్భంగా మలయాళంలో ఈ సినిమాని డిస్ట్రిబ్యూట్ చేసిన గ్లోబల్ యునైటెడ్ మీడియా వారు ఓ అరుదైన రికార్డ్ ని క్రియేట్ చేసారు. ‘బాహుబలి’ సినిమాకు సంబంధించిన అతిపెద్ద పోస్టర్ ను ఏర్పాటు చేసారు. ఈ పోస్టర్ ఆర్గనైజర్స్ వారు దీనిని గిన్నీస్ బుక్ ఆఫ్ వరల్డ్ రికార్డ్స్ కోసం పంపించనున్నారు.

ఈ మలయాళం ఆడియో వేడుకను చాలా గ్రాండ్ గా ఏర్పాటు చేసారు. ఇందులో రాజమౌళి, ప్రభాస్, రానా, తమన్నా, అనుష్క తదితరులు పాల్గొన్నారు. భారీ బడ్జెట్ తో ప్రతిష్టాత్మకంగా తెరకెక్కిన ఈ చిత్రాన్ని తెలుగు, తమిళం, హిందీ, మలయాళం భాషలలో ఏకకాలంలో జులై 10న ప్రపంచ వ్యాప్తంగా విడుదల చేయనున్నారు.