మోహన్ బాబు అల్లరి నరేష్ కాంబినేషన్లో మల్టీస్టారర్

Posted: 06/27/2015 03:47 PM IST

ప్రముఖ దర్శకుడు శ్రీనివాస రెడ్డి దర్శకత్వంలో కలెక్షన్ కింగ్ మోహన్ బాబు ప్రధాన పాత్రలో ఓ చిత్రం తెరకెక్కనుందనే విషయం తెలిసిందే. అయితే ఇందులోకి అల్లరి నరేష్ కూడా వచ్చి చేరాడు. మోహన్ బాబు, అల్లరి నరేష్ ప్రధాన పాత్రలలో శ్రీనివాస రెడ్డి దర్శకత్వంలో ఓ మల్టీస్టారర్ చిత్రం తెరకెక్కబోతుంది.

ఈ చిత్రాన్ని ప్రముఖ నటుడు, నిర్మాత మంచు విష్ణు తన 24 ఫ్రేమ్స్ ఫ్యాక్టరీ బ్యానర్ పై నిర్మించనున్నారు. పూర్తిస్థాయి కామెడీ యాక్షన్ ఎంటర్ టైనర్ తరహాలో ఈ చిత్రం వుండనుందని తెలిసింది. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. త్వరలోనే ఈ ప్రాజెక్టు సెట్స్ పైకి వెళ్లనుంది.

ఇందులో మోహన్ బాబు మరియు అల్లరి నరేష్ ల సరసన నటించబోయే హీరోయిన్ల వివరాలు, ఇతర నటీనటులు, సాంకేతిక నిపుణుల వివరాలు త్వరలోనే ప్రకటించనున్నారు. ప్రస్తుతం విష్ణు నటించిన ‘డైనమేట్’ చిత్రం విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది.