భారీ రేటుకు నైజాంలో అమ్ముడుపోయిన శ్రీమంతుడు

Posted: 06/19/2015 10:30 AM IST

Mahesh babu srimanthudu nizam rights sold out

మహేష్ బాబు ‘శ్రీమంతుడు’ నైజాం ఏరియాలో భారీ రేటుకు అమ్ముడుపోయాడు. కొరటాల శివ దర్శకత్వంలో తెరకెక్కుతున్న ఈ చిత్రంపై ఇప్పటికే భారీ అంచనాలు నెలకొన్నాయి. మైత్రి మూవీ మేకర్స్ మరియు ఎం.బి.ఎంటర్ టైన్మెంట్స్ ప్రై.లిమిటెడ్ బ్యానర్లు సంయుక్తంగా ఈ చిత్రాన్ని నిర్మిస్తున్నాయి.

ఇప్పటికే విడుదలైన ఫస్ట్ లుక్ టీజర్ కు భారీ రెస్పాన్స్ వచ్చింది. అయితే ఈ చిత్ర నైజాం ఏరియా రైట్స్ ను ఎన్ ఆర్ ఎ బేసిస్ లో అభిషేక్ పిక్చర్స్ అభిషేక్ సొంతం చేసుకున్నాడు. 14 కోట్ల 40 లక్షలకు ఈ నైజాం డిస్ట్రిబ్యూషన్ హక్కులను సొంతం చేసుకున్నాడు.

ఈ సంధర్భంగా అభిషేక్ మాట్లాడుతూ... మహేష్ బాబు గారి ‘శ్రీమంతుడు’ నైజాం ఏరియా రైట్స్ మాకు దక్కినందుకు చాలా ఆనందంగా వుంది. డెఫినెట్ గా ఈ చిత్రం ఘన విజయం సాధిస్తుంది. ఈ సంధర్భంగా చిత్ర యూనిట్ అందరికి కృతజ్ఞతలు తెలియజేస్తున్నాను అని తెలిపారు.

భారీ అంచనాలతో తెరకెక్కుతున్న ఈ చిత్రంలో మహేష్ సరసన శృతిహాసన్ హీరోయిన్ గా నటిస్తుంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియోను వచ్చే నెల 18న విడుదల చేసి, చిత్రాన్ని ప్రపంచ వ్యాప్తంగా ఆగష్టు 7న విడుదల చేయబోతున్నట్లుగా చిత్ర యూనిట్ తాజాగా అధికారికంగా ప్రకటించారు.