బస్తీలో జయసుధ కొడుకు ప్రేమాయణం

Posted: 06/19/2015 10:17 AM IST

సహజ నటిగా పేరొందిన ప్రముఖ నటి జయసుధ.. ఇప్పటికీ వరుస సినిమా ఆఫర్లతో క్యారెక్టర్ ఆర్టిస్టుగా నటిస్తూ ఫుల్ బిజీగా వుంది. ప్రస్తుతం జయసుధ తనయుడు హీరోగా ఎంట్రీ ఇస్తున్నాడు. జయసుధ కొడుకు ఎత్తు చాలా ఎక్కువ. ఆరడుగుల కటౌట్ వెండితెరకు పరిచయం కాబోతుంది.

జయసుధ తనయుడు శ్రేయన్ కపూర్ హీరోగా పరిచయమవుతున్న తొలి చిత్రం ‘బస్తీ’. ఈ చిత్ర షూటింగ్ మొత్తం పూర్తి చేసుకుంది. తాజాగా ఈ చిత్ర టైటిల్ లోగో లాంచ్ కార్యక్రమాన్ని ఏర్పాటు చేసారు. ఈ చిత్రం ద్వారా ప్రగతి చౌరస్య హీరోయిన్ గా పరిచయం అవుతుంది.

ఈ చిత్రానికి వాసు మంతెన దర్శక, నిర్మాతగా వ్యవహరిస్తున్నారు. ఈ చిత్ర ఆడియోను ఈనెల 21న హైదరాబాద్ లోని శిల్పకళా వేదికలో గ్రాండ్ గా విడుదల చేయడానికి సన్నాహాలు చేస్తున్నారు. ఈ వేడుకకు తెలంగాణ సిఎం కె. చంద్రశేఖర్ రావు ముఖ్య అతిథిగా విచ్చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.
.