మహేష్ శ్రీమంతుడు విడుదల తేది ఖరారు

Posted: 06/18/2015 11:14 AM IST

Srimanthudu movie release date confirmed

టాలీవుడ్ ప్రిన్స్ మహేష్ బాబు హీరోగా నటిస్తున్న ‘శ్రీమంతుడు’ చిత్రం జులై 17న విడుదల కాబోతుందని గతకొద్ది రోజులు వార్తలొస్తున్న విషయం తెలిసిందే. అయితే తాజాగా ఈ చిత్ర యూనిట్ ఈ చిత్ర విడుదల తేదిని అధికారికంగా ప్రకటించారు. ఈ చిత్రాన్ని ఆగష్టుకు వాయిదా వేసారు. ఆగష్టు 7న ఈ చిత్రాన్ని విడుదల చేయబోతున్నట్లుగా చిత్ర యూనిట్ తాజాగా ప్రకటించారు.

దేవిశ్రీప్రసాద్ సంగీతం అందించిన ఈ చిత్ర ఆడియోను జులై 18న విడుదల చేయబోతున్నట్లుగా ప్రకటించారు. భారీ అంచనాలతో తెరకెక్కుతున్న ఈ చిత్రాన్ని మైత్రి మూవీస్ బ్యానర్ భారీ బడ్జెట్ తో నిర్మిస్తుంది. ఇప్పటికే విడుదలైన ట్రైలర్ కు మంచి రెస్పాన్స్ వచ్చింది. ప్రస్తుతం ఈ చిత్ర పోస్ట్ ప్రొడక్షన్ పనులు శరవేగంగా జరుగుతున్నాయి.

త్వరలోనే షూటింగ్ మొత్తం పూర్తి చేసుకొని, విడుదలకు సిద్ధం కానుంది. మహేష్ సరసన తొలిసారిగా శృతిహాసన్ హీరోయిన్ గా నటిస్తుంది. ఇందులో జగపతి బాబు, సుకన్య, రాహుల్ రవీంద్రన్ తదితరులు ముఖ్య పాత్రల్లో నటిస్తున్నారు. మరి ఈ సినిమా ఎలాంటి విజయం సాధించనుందో మరికొద్ది రోజుల్లోనే తెలియనుంది.