పూరీ జ్యోతిలక్ష్మీకి సెన్సార్ సర్టిఫికెట్

Posted: 06/05/2015 05:17 PM IST

Puri jagannadh jyothi lakshmi censor report

పూరీ జగన్నాథ్ దర్శకత్వంలో తెరకెక్కిన ‘జ్యోతిలక్ష్మీ’ చిత్రం సెన్సార్ కార్యక్రమాలను పూర్తి చేసుకుంది. తాజాగా సెన్సార్ కార్యక్రమాలను పూర్తి చేసుకున్న ఈ చిత్రానికి సెన్సార్ నుంచి U/A సర్టిఫికెట్ లభించింది. ఛార్మి ప్రధాన పాత్రలో నటించిన ఈ చిత్రంలో సత్య ఓ కీలక పాత్రలో నటించాడు.

ఈ చిత్రాన్ని ఛార్మికౌర్ సమర్పణలో సి.కె.ఎంటర్ టైన్మెంట్స్ ప్రై.లి. మరియు శ్రీ శుభశ్వేత ఫిలింస్ బ్యానర్స్ పై శ్వేతలానా, వరుణ్, తేజ, సి.వి.రావు సంయుక్తంగా నిర్మించారు. ఈ చిత్ర ఆడియో విడుదల కార్యక్రమం నిన్న ఘనంగా జరిగింది. ఈ కార్యక్రమంలో ఛార్మి స్టేజ్ పై డాన్స్ చేసి తెగ సందడి చేసింది. అలాగే కార్యక్రమం చివర్లో చిత్ర యూనిట్ అంతా కూడా డాన్స్ చేసి అందరిని అలరించారు.

ఇప్పటికే విడుదలైన ఈ సినిమా ట్రైలర్లు, పాటలు దుమ్ములేపుతున్నాయి. ఛార్మీ హాట్ హాట్ అందాల ప్రదర్శన చేయడంతో పాటు పవర్ ఫుల్ లేడీ పాత్రలో కూడా నటించింది. ఇప్పటికే విడుదలైన థియేటర్ ట్రైలర్ కు మంచి స్పందన వస్తోంది. త్వరలోనే ఈ చిత్రం ప్రేక్షకుల ముందుకు రానుంది. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.