జాదుగాడి మాస్ ఎంట్రీకి డేట్ ఫిక్స్

Posted: 05/22/2015 11:51 AM IST

‘చింతకాయల రవి’ ఫేం యోగేష్ దర్శకత్వంలో నాగశౌర్య హీరోగా నటించిన తాజా చిత్రం ‘జాదుగాడు’. సత్య ఎంటర్ టైన్మెంట్స్ బ్యానర్లో వి.వి.ఎన్.ప్రసాద్ నిర్మిస్తున్న ఈ చిత్రానికి సాగర్ మహతి సంగీతం అందించాడు. ఈ చిత్రం ద్వారా సోనారిక హీరోయిన్ గా తెలుగు తెరకు పరిచయం అవుతుంది. ఈ అమ్మడు హిందీలో ‘హరహరమహాదేవ’ సీరియల్లో పార్వతి పాత్రలో నటించింది.

ఇటీవలే విడుదలైన ఈ చిత్ర పాటలు మంచి టాక్ ను సొంతం చేసుకున్నాయి. ట్రైలర్లకు మంచి రెస్పాన్స్ వస్తోంది. ఇందులో నాగశౌర్య బాగా మాస్ హీరోగా కనిపిస్తున్నాడు. తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ సభ్యులు A సర్టిఫికెట్ ను అందజేసారు.

ఈ చిత్రంలో సోనారిక హాట్ హాట్ గా అందాల ప్రదర్శన చేసిందని తెలిసింది. భారీ మాస్ యాక్షన్ లవ్ రొమాంటిక్ ఎంటర్ టైనర్ గా రూపొందిన ఈ చిత్రాన్ని జూన్ 5న విడుదల చేయబోతున్నారు. మరి ఈ సినిమా నాగశౌర్యకు ఎలాంటి మాస్ ఇమేజ్ ను తెచ్చిపెట్టనుందో త్వరలోనే తెలియనుంది.