వామ్మో.. ఈయనెంది సామి ఇట్టా వున్నాడు?

Posted: 05/11/2015 04:54 PM IST

Bahubali kalakeya first look poster released

‘బాహుబలి’ చిత్ర ప్రమోషన్ కార్యక్రమాలు ఈనెల 1 నుంచి ప్రారంభమైన విషయం తెలిసిందే. ఈ సినిమాలో నటించిన నటీనటుల పాత్రలకు సంబంధించిన ఫస్ట్ లుక్ పోస్టర్లను విడుదల చేస్తూ, వినూత్నంగా ప్రమోషన్ చేస్తున్నారు. ఎస్.ఎస్.రాజమౌళి దర్శకత్వంలో రూపొందుతున్న ఈ భారీ బడ్జెట్ చిత్రాన్ని ప్రతిష్టాత్మకంగా తెరకెక్కిస్తున్నాడు.

ప్రభాస్, రానా, అనుష్క, తమన్నా ప్రధాన పాత్రలలో నటిస్తున్న ఈ చిత్రానికి భారీ క్రేజ్ ఏర్పడింది. ఇప్పటికే విడుదలైన పోస్టర్లకు భారీ రెస్పాన్స్ వస్తుంది. తాజాగా ఈ చిత్రంలోని ‘కాలకేయ’ పాత్రకు సంబంధించిన పోస్టర్ ను విడుదల చేసారు. ఈ పోస్టర్ ను చూస్తుంటే ఇదేదో మహాసంగ్రామం సమయంలో చిత్రీకరించినట్లుగా అనిపిస్తుంది.

భారీ యుద్ధ సన్నీవేశాలున్న ఈ సినిమాలో ఈ కాలకేయ పాత్ర ఎలా వుండనుందోనని అందరిలో ఓ చిన్న ఆతృత మొదలయ్యింది. రాజమౌళి సినిమాలో చిన్న వేశం వేసిన కూడా వాళ్లకు భారీ క్రేజ్ లభిస్తుంది. అలాంటిది ఇలాంటి గెటప్ లో నటిస్తే.. ఇక వారికి భవిష్యత్తులో ఎలాంటి అవకాశాలు వస్తాయో మీరే ఊహించుకోండి.

భారీ అంచనాలతో తెరకెక్కుతున్న ఈ చిత్ర థియేటర్ ట్రైలర్ ను మే 31వ తేదిన విడుదల చేయనున్నారు. ఈ చిత్రాన్ని జులై 10న ప్రపంచ వ్యాప్తంగా తెలుగు, తమిళ, హిందీ భాషలలో భారీ ఎత్తున విడుదల చేయడానికి సన్నాహాలు చేస్తున్నారు. తాజాగా విడుదలైన కాలకేయ ఫస్ట్ లుక్ పోస్టర్ మీకోసం అందిస్తున్నాం.. మీరు ఓ లుక్కేయండి.

Bahubali-Kalakeya