జాదుగాడు భామతో అల్లుడు శీను రొమాన్స్

Posted: 05/11/2015 03:39 PM IST

ప్రముఖ నిర్మాత బెల్లంకొండ సురేష్ తనయుడు బెల్లంకొండ శ్రీనివాస్ ఇటీవలే ‘అల్లుడుశీను’ సినిమాతో హీరోగా ఎంట్రీ ఇచ్చిన విషయం తెలిసిందే. ఈ చిత్రం తర్వాత బెల్లంకొండ శ్రీనివాస్ హీరోగా భీమనేని శ్రీనివాస్ దర్శకత్వంలో ఓ చిత్రం తెరకెక్కుతోంది. ఇటీవలే ప్రారంభమైన ఈ చిత్ర షూటింగ్ శరవేగంగా జరుగుతోంది.

ఇందులో హీరోయిన్ గా ‘జాదుగాడు’ భామ సొనారికను ఎంపిక చేసుకున్నారు. నాగశౌర్య హీరోగా నటిస్తున్న ‘జాదుగాడు’ చిత్రం ద్వారా సొనారికా తెలుగు సినీ ఇండస్ట్రీకి హీరోయిన్ గా పరిచయమవుతుంది. ఈ సినిమా ఇంకా విడుదలకాకముందే సొనారికకు తెలుగులో వరుస అవకాశాలు వస్తున్నాయి.

ఇటీవలే అల్లు అర్జున్ కొత్త సినిమాలో సొనారికాకు ఆఫర్ వచ్చినట్లుగా తెలిసింది. అయితే బెల్లంకొండ శ్రీనివాస్ నటిస్తున్న తాజా చిత్రంలో సొనారికా హీరోయిన్ గా ఖరారు అయ్యింది. త్వరలోనే ఈ చిత్ర షూటింగ్ లో సొనారికా పాల్గొననుంది. ప్రస్తుతం సొనారిక నటించిన ‘జాదుగాడు’ త్వరలోనే ప్రేక్షకుల ముందుకు రానుంది.

బెల్లంకొండ శ్రీనివాస్ హీరోగా నటిస్తున్న ఈ తాజా చిత్రం తమిళంలో ‘సుందర్ పాండియన్’గా, కన్నడంలో ‘రాజహులి’గా రూపొందిన చిత్రాలకు రీమేక్. ఆ రెండు భాషల్లో ఘనవిజయం సాధించిన ఈ చిత్రం తెలుగులో ఎలాంటి విజయం సాధించనుందో త్వరలోనే తెలియనుంది.

ఈ చిత్రానికి కథ-ఎస్.ఆర్.ప్రభాకరన్, మాటలు- భీమనేని శ్రీనివాస్ రావు, ప్రవీణ్, సినిమాటోగ్రఫి-విజయ్ ఉలగనాథ్, సంగీతం- శ్రీ వసంత్, ఎడిటింగ్- గౌతంరాజు, ఆర్ట్ - కిరణ్ కుమార్, పబ్లిసిటి డిజైనర్ - ధని ఏలె, కాస్టూమ్స్ -శివ, ఖాదర్, స్టిల్స్ - కటారి, కో డైరెక్టర్ -రాంగోపాల్ చౌదరి, ప్రొడక్షన్ ఎగ్జిక్యూటివ్ - బండిశేషయ్య, ఎగ్జిక్యూటివ్ ప్రొడ్యూసర్ - వివేక్ కూచిభొట్ల, సమర్పణ- భీమనేని రోషితా సాయి, మాటలు-స్ర్కీన్ ప్లే-దర్శకత్వం- భీమనేని శ్రీనివాస్ రావు, నిర్మాత- భీమనేని సునీత.