క్రైం స్టోరీతో తెరకెక్కనున్న నిఖిల్ శంకరాభరణం

Posted: 04/30/2015 11:50 AM IST

‘స్వామిరారా’, ‘కార్తికేయ’, ‘సూర్య వర్సెస్ సూర్య’ వంటి వరుస హిట్ చిత్రాల తర్వాత నిఖిల్ మరోసారి ఓ విభిన్న కథాంశంతో రాబోతున్నాడు. వరుస హిట్ చిత్రాలతో దూసుకుపోతున్న నిఖిల్ ఈసారి ‘శంకరాభరణం’ ద్వారా మనముందుకు రాబోతున్నాడు.

నిఖిల్ హీరోగా ‘శంకరాభరణం’ అనే పేరుతో ఓ చిత్రం తెరకెక్కనుంది. గతంలో సంగీత, సాహిత్య పరంగా తెరకెక్కిన ‘శంకరాభరణం’ ఎంతటి ఘనవిజయం సాధించిందో అందరికి తెలిసిందే. ఈ చిత్రాన్ని ఇటీవలే డిజిటల్ వర్షెన్ లోకి కూడా మార్చేసి తమిళంలో విడుదల చేసారు. అయితే ఇపుడు ఇదే పేరుతో నిఖిల్ ఓ సినిమా చేయబోతున్నాడు.

నిఖిల్ హీరోగా ఉదయ్ నందనవం తెరకెక్కించనున్న ఈ చిత్రానికి కోన వెంకట్ నిర్మించనున్నాడు. ఇటీవలే ఈ చిత్ర ముహూర్త కార్యక్రమాలు జరిగాయి. ఈ చిత్రం సంగీత నేపథ్యంలో కాకుండా బీహర్ నేపథ్యంలో సాగే క్రైం కామెడీ చిత్రమని చిత్ర యూనిట్ ముందుగానే చెప్పేసారు.

ఇటీవలే ఈ ప్రాజెక్టుకు నిఖిల్ గ్రీన్ సిగ్నల్ ఇచ్చాడు. ప్రస్తుతం నార్త్ ఇండియాలోని లొకేషన్ల ఎంపిక వేటలో చిత్ర యూనిట్ బిజీగా వున్నారు. అన్ని పనులు పూర్తిచేసుకొని సెట్స్ పైకి వెళ్లనున్నారు. మరి ఈ సినిమా ఎలా వుండబోతుందో త్వరలోనే తెలియనుంది.