ఝాన్సీలక్ష్మీభాయ్ గా మంచు లక్ష్మీ

Posted: 04/28/2015 06:41 PM IST

Manchu lakshmi want to do jhansi lakshmi bhai role

మంచు లక్ష్మీ స్వీయ నిర్మాణంలో నటించిన తాజా చిత్రం ‘దొంగాట’. విద్యానిర్వాణ సమర్పణలో మంచు ఎంటర్ టైన్మెంట్స్ ప్రై.లిమిటెడ్ పతాకంపై రూపొందిన ఈ చిత్రం మే 1వ తేదిన విడుదల కాబోతుంది. వంశీకృష్ణ దర్శకత్వంలో తెరకెక్కిన ఈ చిత్రంలో మంచు లక్ష్మీతో పాటు అడవిశేష్, మధు, ప్రభాకర్ లు ప్రధాన పాత్రలలో నటించారు.

అయితే ప్రస్తుతం ఈ చిత్ర ప్రమోషన్స్ కార్యక్రమాల్లో బిజీగా వున్న మంచు లక్ష్మీ ఓ ఇంటర్వ్యూలో మాట్లాడుతూ తన డ్రీం రోల్ గురించి చెప్పుకొచ్చింది. ఇంతకీ ఏమిటా డ్రీం రోల్ అనుకుంటున్నారా? మంచు లక్ష్మీకి ఝాన్సీలక్ష్మీ భాయ్ పాత్రలో నటించాలనుందని, ఆ పాత్ర కూడా ప్రముఖ దర్శకుడు రాజమౌళి దర్శకత్వంలోనే చేయాలనుందంటూ ఇటీవలే తన మనసులోని కోరికను చెప్పుకొచ్చింది. మరి రాజమౌళి మంచు లక్ష్మీ కోరికను నెరవేరుస్తాడో లేదో భవిష్యత్తులో తెలియనుంది.

ఇటీవలే విడుదలై ‘దొంగాట’ ట్రైలర్లు, పాటలకు మంచి స్పందన వస్తుంది. ముఖ్యంగా మంచు లక్ష్మీ పాడిన ‘యాందిరో..’ పాట బాగా పాపులర్ అయ్యింది. ఇక ఈ సినిమాలోని ‘బ్రేకప్...’ సాంగ్ లో నాగార్జున, రవితేజ, మనోజ్, రానా, శింబు, నాని, సుధీర్ బాబు, సుశాంత్, నవదీప్ లు స్పెషల్ డాన్స్ చేసారు.

ఈ సినిమాలో రానా స్పెషల్ గెస్ట్ రోల్ లో నటించాడు. మంచులక్ష్మీ స్టైలిష్ యాక్టింగ్, పైగా బ్రహ్మనందం పంచ్ డైలాగులు చాలా బాగున్నాయి. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.