‘శ్రీమంతుడు’ ఫోటోలు లీక్.. బాబుతో సుకన్య

Posted: 04/22/2015 12:10 PM IST

ఆగమైన ‘ఆగడు’ తర్వాత ప్రిన్స్ మహేష్ బాబు హీరోగా కొరటాల శివ దర్శకత్వంలో ఓ సినిమా తెరకెక్కుతున్న సంగతి తెలిసిందే! ఈ చిత్రానికి ‘శ్రీమంతుడు' అనే టైటిల్ ని పరిశీలిస్తున్నారు. ఇందులో మహేష్ సరసన శృతిహాసన్ తొలిసారగా జతకడుతోంది. ఇక బెంగాళి భామ అంగానా రాయ్ కూడా ఓ స్పెషల్ పాత్రలో నటిస్తోంది. వీరితోపాటు మరికొంతమంది ప్రముఖ నటీనటులు కూడా ఇందులో నటిస్తున్నారు. ముఖ్యంగా గతకొన్నాళ్ల నుంచి ఇండస్ట్రీకి కనుమరుగైన కొందరు సీనియర్ నటులు ఈ సినిమా ద్వారా ప్రేక్షకుల ముందుకు రానున్నారని సమాచారం!

ఇదిలావుండగా.. ప్రస్తుతం చిత్రీకరణ దశలో వున్న ఈ మూవీకి సంబంధించి తాజాగా కొన్ని ఫోటోలు లీక్ అయ్యాయి. ఆ ఫోటోల్లో మహేష్ బాబు అచ్చం టైటిల్ కు తగ్గట్టే చాలా సింపుల్ గా, డీసెంట్ గా కనువిందు చేశాడు. ఇక ఈ చిత్రంలో ఓ పాత్రలో నటిస్తున్న సుకన్య కూడా ఆ ఫోటోల్లో దర్శనమిచ్చింది. ఈ సినిమాలో వీరిద్దరి మధ్య జరిగే మాటల సంభాషణకు సంబంధించిన ఫోటోలు బయటకు వచ్చినట్లు తెలుస్తోంది. మరోవైపు.. ఈ సినిమాను బాగా ప్రచారం చేసుకోవడం కోసమే ఇలా ఫోటోలను మధ్యమధ్యలో లీక్ చేస్తున్నారని సినీ విశ్లేషకులు
అభిప్రాయపడుతున్నారు. గతంలో అంగనాతో మహేష్ కలిసి వున్న ఫోటోతోపాటు షూటింగ్ కి సంబంధించి రెండు మూడు ఫోటోలు కూడా లీక్ అయ్యాయి.

ప్రస్తుతం ఈ చిత్రం చిత్రీకరణ మలేసియాలో జరుగుతోంది. దానికి సంబంధించిన సుకన్య, మహేష్ ఫోటో ఇప్పుడు బయటకు వచ్చింది. మహేష్‌, శ్రుతి, జగపతిబాబు తదితరులపై ఏప్రిల్ 22 వరకూ అక్కడే కీలకమైన సన్నివేశాలు తెరకెక్కిస్తారు. ఇక దేవిశ్రీ ప్రసాద్‌ సంగీతం అందిస్తున్న ఈ చిత్రంలో రాజేంద్రప్రసాద్‌, అలీ, వెన్నెల కిషోర్‌, సితార, తులసి ప్రధాన పాత్రలు పోషిస్తున్నారు.

AS