శుభం కార్డు పలికిన ‘డైనమైట్’కి రిలీజ్ డేట్?

Posted: 04/18/2015 12:34 PM IST

Manchu vishnu dynamite movie audio release date gossips

మంచు విష్ణు హీరోగా స్వీయనిర్మాణంలో ‘డైనమెట్’ చిత్రం రూపొందుతున్న విషయం తెలిసిందే! 2014లో తమిళంలో రూపొంది విజయం సాధించిన ‘అరిమ నంబి’ సినిమాకు రీమేకే ఈ ‘డైనమైట్’. ఇందులో విష్ణు సరసన ప్రణీత హీరోయిన్‌గా నటిస్తోంది. ఈ సినిమాను ‘వెన్నెల’, ‘ప్రస్థానం’ లాంటి అర్థవంతమైన సినిమాలను తెరకెక్కించిన దర్శకుడు దేవాకట్టా తెరకెక్కిస్తున్నారు. ‘ఆటో నగర్ సూర్య’ సినిమాతో ఘోర పరాభావాన్ని ఎదుర్కొన్న ఈ దర్శకుడు.. ఈసారి విష్ణుతో కలిసి ‘డైనమెట్’ పేలిపోయేలా ఘన విజయాన్ని నమోదు చేసుకోవాలన్న ఆశతో దీనిని అద్భుతంగా తీస్తున్నారు.

యాక్షన్ థ్రిల్లర్‌గా తెరకెక్కుతున్న ఈ మూవీ షూటింగ్ ఇటీవలే పూర్తయ్యింది. ఈ విషయాన్ని స్వయంగా విష్ణు ట్విటర్ వేదికగా తెలిపారు. నిన్నటివరకు రామానాయుడు స్టూడియోలో వేసిన సెట్లో ఓ పాట షూటింగ్ జరిగింది. ఆ పాటతో ఈ షూటింగ్ పూర్తయ్యింది. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు శరవేగంగా జరిగిపోతున్నాయి. ఇటీవలే ఈ మూవీకి సంబంధించి ఫస్ట్ లుక్ విడుదలైన సంగతి తెలిసిందే! ఇప్పుడు ఈ సినిమా ఆడియోను మే నెల మొదటి వారంలో రిలీజ్ చేయనున్నట్లు వార్తలొస్తున్నాయి. అలాగే మే నెల మూడో వారంలో ఈ చిత్రాన్ని విడుదల చేయాలని దర్శకనిర్మాతలు సన్నాహాలు చేస్తున్నారు. త్వరలోనే మరిన్ని వివరాలు అధికారికంగా విడుదల కానున్నాయి.

ఇక ఈ సినిమాలో మంచు విష్ణు సరికొత్త గెటప్ లో కనిపించనున్నాడని యూనిట్ వర్గాలు తెలుపుతున్నాయి. ఇదివరకు నటించిన సినిమాలన్నింటిలో కంటే ఈ మూవీలో విష్ణు పాత్ చాలా విభిన్నంగా వుంటుందని.. ఈ మూవీ ప్రేక్షకులను బాగా అలరిస్తుందని సినీ వర్గాలు భావిస్తున్నాయి.