ఓరిదేవుడో... ఇదేం డైలాగులయ్యా... రెడ్ బుల్ సింహంమట!

Posted: 04/08/2015 03:22 PM IST

Sampoornesh babu singham123 movie first look teaser

హీరోగా ఎంట్రీ ఇవ్వకముందే ‘బర్నింగ్ స్టార్’ అంటూ భారీ క్రేజ్ ను సంపాదించుకున్న సంపూర్ణేష్ బాబు... ఇపుడు ‘మెగా బర్నింగ్ సూపర్ స్టార్’ అయ్యాడు. సంపూ నటిస్తున్న తాజా చిత్రం ‘సింగం123’. మంచు మోహన్ బాబు సమర్పణలో 24 ఫ్రేమ్స్ ఫ్యాక్టరీ బ్యానర్ పై మంచు విష్ణు నిర్మిస్తున్నాడు. ఈ చిత్రం ద్వారా అక్షత్ శర్మ దర్శకుడిగా పరిచయమవుతున్నాడు.

ఇటీవలే విడుదలై పోస్టర్లకు భారీ రెస్పాన్స్ వస్తోంది. మాములుగా సంపూకి ఇంత క్రేజ్ రావడానికి ముఖ్య కారణం డైలాగ్స్. సంపూ హీరోగా నటించిన ‘హృదయకాలేయం’ చిత్రంలోని డైలాగ్స్ భారీగా పాపులర్ అయ్యాయి. సినిమా కంటే సంపూ చెప్పిన డైలాగ్స్ కే భారీ క్రేజ్ ఏర్పడింది. అలాంటి డైలాగ్స్ తో మళ్లీ సంపూ ఈ ‘సింగం123’లో రచ్చ చేయడానికి సిద్ధమయ్యాడు.

తాజాగా ‘సింగం123’ చిత్రానికి సంబంధించిన ఫస్ట్ లుక్ టీజర్ ను విడుదల చేసారు. ఇందులో సంపూ యాంగ్రీ యంగ్ మెన్, ఆవేశంతో ఊగిపోతున్న సంపూని చూడవచ్చు. అంతే కాకుండా సంపూ డైలాగ్స్ మళ్లీ హిట్టవ్వడం ఖాయం అన్నట్లుగా వున్నాయి. ‘రేసుగుర్రం’ సినిమాలో బన్నీ చెప్పిన ఓ డైలాగ్ ను సంపూ తనదైన శైలితో దుమ్మధులిపేసాడు. అలాగే బాలయ్య ‘లెజెండ్’ సినిమాలో చెప్పిన ఓ పవర్ ఫుల్ డైలాగ్ ను కూడా సంపూ తనదైన రీతిలో మరింత కుమ్మేసాడు.

కేవలం టీజర్ లోనే ఇలాంటి డైలాగ్ లు వున్నాయంటే... ఇక సినిమాలో ఇలాంటి డైలాగులు ఇంకెన్ని వుంటాయో చూడాలి. ఈ చిత్రం త్వరలోనే ప్రేక్షకుల ముందుకు రాబోతుంది. ప్రస్తుతానికి తాజాగా విడుదలైన ట్రైలర్ మీకోసం అందిస్తున్నాం.. చూసి మీరు నవ్వుకోండి. కానీ డైలాగ్స్ మాత్రం కేక... అంతే.!