లారెన్స్ కాంచన2 లుక్స్ కిరాక్

Posted: 03/17/2015 12:25 PM IST

ఒకప్పుడు డాన్స్ డైరెక్టర్ గా వున్నప్పుడు ఎంతో మంది అగ్ర స్టార్, యంగ్ హీరోలతో స్టెప్పులేయించిన రాఘవ లారెన్స్.... దర్శకుడిగా మారి పలు విభిన్న చిత్రాలను తెరకెక్కిస్తున్న విషయం తెలిసిందే. ‘మాస్’ సినిమాతో దర్శకుడిగా మారిన లారెన్స్... ఆ తర్వాత ‘డాన్’, ‘స్టైల్’, ‘ముని’, ‘రెబల్’, ‘కాంచన’ వంటి పలు చిత్రాలను తెరకెక్కించాడు.

ఈ సినిమాలతో దర్శకుడిగా లారెన్స్ కు మంచి పేరొచ్చింది. అయితే ‘ముని’, ‘కాంచన’ చిత్రాలలో హీరోగా నటించిన లారెన్స్ నటనకు భారీ ప్రశంసలే దక్కాయి. అటు దర్శకుడిగా, ఇటు నటుడిగా మంచి ప్రశంసలు అందుకున్నాడు. ప్రస్తుతం ఈ ‘ముని’, ‘కాంచన’ చిత్రాలకు సీక్వెల్ గా ‘కాంచన2’ చిత్రాన్ని తెరకెక్కిస్తున్నాడు లారెన్స్.

ఇటీవలే ఈ చిత్రానికి సంబంధించిన ఫస్ట్ లుక్ పోస్టర్ ను విడుదల చేసారు. ఈ పోస్టర్ కు భారీ రెస్పాన్స్ వస్తోంది. అయితే తాజాగా ఈ చిత్రానికి సంబంధించిన కొన్ని ఫోటోలను విడుదల చేసారు. ఈ ఫోటోలను చూస్తుంటే... ‘కాంచన2’ చిత్రం మరో బ్లాక్ బస్టర్ హిట్టవ్వడం ఖాయమని పాజిటివ్ టాక్ వినిపిస్తోంది.

ఇందులో లారెన్స్ సరసన తాప్సీ హీరోయిన్ గా నటిస్తుంది. లారెన్స్ ఇందులో పలు విభిన్న పాత్రలలో నటించనున్నట్లుగా తెలిసింది. సన్ పిక్చర్స్ బ్యానర్లో తెరకెక్కుతున్న ఈ చిత్రానికి థమన్ సంగీతం అందిస్తున్నాడు. త్వరలోనే ఈ చిత్ర ఆడియోను విడుదల చేసి, ఏప్రిల్ లో సినిమా విడుదల చేయనున్నారు.

Related Gallerys:

Kanchana 2 Movie Stills