అమ్ముడుపోయిన మల్లు సన్నాఫ్ సత్యమూర్తి

Posted: 03/17/2015 11:06 AM IST

అయితే అల్లు అర్జున్ కు మలయాళంలో కూడా భారీ క్రేజ్ వున్న విషయం తెలిసిందే. మలయాళంలో ‘మల్లు అర్జున్’ గా బన్నీకి మంచి క్రేజ్, ఫ్యాన్ ఫాలోయింగ్ వుంది. అయితే తాజాగా ఈ ‘సన్నాఫ్ సత్యమూర్తి’ చిత్రాన్ని మలయాళంలో కూడా విడుదల చేయనున్నారు.

‘జులాయి’ చిత్రం తర్వాత స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా చిత్రం ‘సన్నాఫ్ సత్యమూర్తి’. ఈ చిత్రాన్ని హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ నిర్మిస్తున్నారు.

ఈ చిత్ర మలయాళ హక్కులు రికార్డు స్థాయిలో అమ్ముడుపోయాయి. ఈ చిత్ర మలయాళ హక్కులు ఒక కోటి డెబ్బై అయిదు లక్షలకు అమ్ముడు పోయాయి. మలయాళంలో బన్నీకి వున్న భారీ క్రేజ్ కారణంగానే ఇంత భారీ మొత్తానికి అమ్ముడుపోయినట్లుగా తెలుస్తోంది. ఈ చిత్రం తెలుగు, మలయాళంలో ఒకేరోజున విడుదల కానుంది.

దేవిశ్రీప్రసాద్ సంగీతం అందించిన పాటలు ఇటీవలే విడుదలైన మంచి స్పందనను సొంతం చేసుకుంటున్నాయి. బన్నీ సరసన నిత్యామీనన్, ఆదాశర్మ, సమంత హీరోయిన్లుగా నటించారు. త్వరలోనే ఈ చిత్రాన్ని ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు.