చెన్నైలో ప్రారంభమైన నాగ్ మల్టీస్టారర్

Posted: 03/16/2015 04:55 PM IST

ప్రముఖ దర్శకుడు వంశీ పైడిపల్లి దర్శకత్వంలో నాగార్జున, కార్తీ ప్రధాన పాత్రలలో ఓ మల్టీస్టారర్ చిత్రం తెరకెక్కుతున్న విషయం తెలిసిందే. తెలుగు, తమిళ భాషలలో ఏకకాలంలో రూపొందుతున్న ఈ చిత్రంలో శృతిహాసన్ హీరోయిన్ గా నటిస్తుంది. ఈ భారీ బడ్జెట్ చిత్రాన్ని ప్రముఖ భారీ చిత్రాల నిర్మాణ సంస్థ పివిపి బ్యానర్లో నిర్మాత ప్రసాద్.వి.పోట్లూరి నిర్మిస్తున్నాడు.

ఇటీవలే ఈ చిత్ర తెలుగు ముహూర్త కార్యక్రమాలు ఘనంగా జరిగాయి. అయితే ఈ చిత్ర తమిళ ముహూర్త కార్యక్రమాలు ఇటీవలే జరిగాయి. తాజాగా చెన్నైలో రెగ్యులర్ షూటింగ్ కూడా ప్రారంభించారు. చెన్నయ్ లోని ఈసీఆర్ రోడ్డు సమీపంలో ఓ ప్రత్యేకమైన సెట్ కూడా ఏర్పాటు చేసారు.

మొదటి షెడ్యూల్ చెన్నయ్ లో జరిపి ఆ తర్వాత హైదరాబాద్, మరియు విదేశాలలో షూటింగ్ జరుపనున్నారు. గోపిసుందర్ సంగీతం అందిస్తున్నాడు. త్వరలోనే ఈ చిత్రానికి సంబంధించిన మరిన్ని వివరాలు అధికారికంగా ప్రకటించనున్నారు.